عدد 11 سلوك لعلاقة صحية و حميمية أكثر
عدد 11 سلوك لعلاقة صحية و حميمية أكثر
الحضور البارد فى العلاقات بيقتل الحميمية و بتكون علاقة باردة بنقضى فيها أدوار بدون روح.
عشان نحافظ على الحميمية و يكون لها روح و علاقتنا تكون صحية أكثر زودوا من السلوكيات التالية:
1_ أسمعوا بأهتمام و حب حتى لو الكلام مش من أهتماماتكم.
2_ أسألوا عن يوم بعض و أحكوا مغامراتكم حتى لو مغامرة أنك لفت بأعجوبة من أزدحام مرورى.
3_ لما تتفاخروا بنفسكم و بأعمالكم العظيمة حتى لو شايفنها تافهه حسسوا بعض أنككم فخورين ببعض دائماً.
4_ لما يكون حد فيكم موجوع حسس الآخر بوجودك عاطفياً و عقلياً حتى لو مش هتنطق كلمة.
5_ ألعبوا مع بعض و أستفزوا بعض بهزار و أضحكوا مع بعض.
6_ قضوا أوقات هادئة و أنتوا مسترخيين و أتكلموا كلام من قلبكم من غير حسابات أو أحكام.
7_ ناقشوا بعض و أختلفوا و أحترموا أختلافكم.
8_ أزهقوا و أغضبوا و خافوا و أحزنوا و عبروا عن دة و أسمحوا للآخر يعبر عنه.
9_ ألمسوا بعض لمسة حنينه فيها حب و نقاء مفيش اى غرض منها غير تحسوا ببعض.
10_ أتعلموا حاجة جديدة و أحتاسوا و احتاروا تعملوها أزاى و تعاونوا مع بعض.
11_ أغلطوا و أعتذروا لبعض و سامحوا بعض.
الحميمية بداخلها تفاصيل كتير جدا مش هيتحس متعتها بسؤال عابر أزيك ؟
و لا بمحادثة هادفها أظهر نفسى على الآخر.
و لا أنى عايز أخرج غضبى و خلاص.
و لا افصل نفسى عن الآخر.
و لا بالحضور البارد.
تواجدوا بعقلكم و عاطفتكم مع بعض فى علاقة تبنوا فيها كل يوم حب و تزداد الحميمية
و قادرين تواجهوا مع بعض المشاكل و قادرين على حل الخلافات.
#العلاقات_الصحية
#جرعة_من_جرعات_نور
#للأنوثة_وعلاج_العلاقات
