مشاعرك فيها سم قاتل
مشاعرك فيها سم قاتل !!!!!!
معظمنا أتربى على :
- لا مش من حقك أنك تغضبى لأنك أنثى و لازم تكونى لطيفة و بتحتوى طول الوقت.
- لا مش من حقك أنك تشعر بالضعف لأنك رجل و لازم تكون قوى.
- لا مينفعش تعيطى و تنكدى علينا طول الوقت خليكى فرفوشة.
- لا متخفش مينفعش تخاف لازم قلبنا يبقى جامد.
- و أحياناً بتوصل أن بيتم لومنا على مشاعرنا و بيتم أستنكارها.
كلها رسائل بتقول (مشاعرنا مش من حقنا نعبر عنها أو نخرجها).
و دى مصيبة لأن مع الوقت بنستنكر مشاعرنا و مع الوقت مش بنعبر عنها و مع الوقت بيحصل كبت.
و الكبت دة بيأذينا و مشاعرنا بتكون زى النار اللى بتأكل فينا و بتحرقنا و بتتحول ضدنا.
و بنكون خارجياً هاديين جدا شبه الهدوء ما قبل العاصفة و لكن بداخلنا العاصفة.
برغم أن المشاعر لو خرجت و عبرنا عنها و شعرنا أن المقربين متقبلين مشاعرنا.
مش هيبقى فى أى مشكلة و النار هتخرج و هيتبقى بداخلنا مساحة نفسية نقدر نستوعب بها مشاعر جديد و مشاعر الآخرين.
طيب الحل أية ؟
الحل بسيط جداااااااااااااااا
نعبر عن مشاعرنا و التعبير عن مشاعرنا مش لازم أننا نعيط قدام أى حد أو نغضب نصرخ فى وش اللى قدمنا.
التعبير عن المشاعر بأننا نعرف أن من حقنا نشعر بالغضب و الحزن و الآلم و الخوف و الضعف و أى شعور.
نختار الأشخاص المناسبين اللى نعبر معاهم عن مشاعرنا.
المهم و أحنا بنعبر نعبر بطريقة متكونش مؤذية للآخر.
و ندرك أننا أحياناً مشاعرنا هتخرج عن سيطرتنا و هنعبر عنها بشكل غير سليم دة طبيعى
خصوصاً أن فى البداية لسه بندرب أننا نتعامل مع مشاعرنا بشكل سليم.
تدريجياً هنعرف نتعامل معاها بشكل أسهل و أفضل و نتحكم فى خروجها بشكل سليم.
يلا نبدأ نعبر عن مشاعرنا و نعبر عن ذاتنا لأن الكبت بيولد الأنفجار و دة قانون بيسرى على المشاعر كمان ?
#جرعة_من_جرعات_نور
#للأنوثة_وعلاج_العلاقات
