التضحية و أنكار الذات
كلها نصائح أول واحدة بنادى بيها أنا.
بس هى نصيحة مش صح فى العموم.
ليه ؟
عشان أحياناً التضحية و أنكار الذات و تحمل فوق الطاقة بيكون منتهى الرقى و السمو و منتهى النضوج.
و لكن أمتى ؟؟؟؟ و مع مين ؟؟؟ و ليه ؟؟؟
دة المهم جدااااااااااااااااااااا أننا نحطه فى الأعتبار.
زوجة بتنكر ذاتها و بتتحمل فوق طاقتها مع زوج بيهينها و بيقلل منها و مش بيعطيها حقوقها ❌
هنا تضحية و أنكار ذات مؤذى مش فى محله ❌
راجل بيشتغل ليل و نهار عشان يرضى أولاده الأعتماديين و زوجته اللى مش بترضى مهما عمل ❌
هنا تضحية و أنكار ذات مؤذى مش فى محله ❌
أبن دخل كلية مش بيحبها و عاش طول عمره بيشتغل فى مجال مش بيحبه و مش قادر ينجح فيه ❌
هنا تضحية و أنكار ذات مؤذى مش فى محله ❌
أبنه قبلت تتجوز شخص مش متقبلاه عشان بس فى مصلحة بينه و بين أهلها❌
هنا تضحية و أنكار ذات مؤذى مش فى محله ❌
التضحية و أنكار الذات الصحية بتأتى مع حرية الأختيار أن الشخص يضحى و ينكر ذاته.
مش مع الأجبار و القهر و الأستسلام للأذى.
زوجة أستحملت جوزها لما أطرد من الشغل و قللت من طلباتها لحد ما أشتغل تانى ✅
هنا تضحية و أنكار ذات فيها سمو و رقى فى محلها ✅
دكتور بيخاطر بحياته كل يوم عشان ينقذ حياة الناس ✅
هنا تضحية و أنكار ذات فيها سمو و رقى فى محلها ✅
أبن قرر هياخد الفلوس اللى حوشها عشان يشترى شقة لنفسه يدفعها فى عملية والده عشان والده غير مقتدر ✅
هنا تضحية و أنكار ذات فيها سمو و رقى فى محلها ✅
أم قررت تسيب شغلها عشان تهتم بأولادها و ترجع لما يكبروا كفاية و يعتمدوا على نفسهم ✅
هنا تضحية و أنكار ذات فيها سمو و رقى فى محلها ✅
و حتى عشان تكون التضحية و أنكار الذات فى المواقف الأيجابية تندرج تحت السمو و الرقى و النضوج.
يشترط :
- الحرية فى الأختيار و ليس الأجبار.
- لوجه الله و ليس لأرضاء الآخر و أستجداء حبه و رضاه.
- من منطلق الحب و ليس القهر.
مع الشروط دى نقدر تضحى و ننكر ذاتنا لأنها هتعود علينا بالخير و النفع لينا و للآخر.
لأن غير كدة أذى و أستنزاف لذاتنا و سماح أن الآخرين يمارسوا الطغيان علينا و دة أذى بيعود عليهم و علينا.
شاركونى أية نوع التضحية و أنكار الذات اللى فى حياتكم ؟
#جرعة_من_جرعات_نور
#للأنوثة_وعلاج_العلاقات
