كيف تكون نتيجتك نمط شخصيتك الأنثوية دقيقة فى أختبار جرعة نور لأنماط الشخصية الأنثوية.
يتناول "اختبار الأنوثة" فكرة التعرف على جوانب متعددة من الشخصية الأنثوية ، حيث يسعى هذا الاختبار إلى كشف السمات والخصائص التي تعكس طبيعة الفتاة من خلال مجموعة من الأسئلة المصممة بعناية، ويساهم هذا الاختبار أيضًا في تعزيز الوعي الذاتي وفهم كيفية تأثير نمط الشخصية على التصرفات والعلاقات.
عشان تعرفي إزاى نتيجتك فى الاختبار (نمط شخصيتك) يكون نمطك الحقيقى لازم فى البداية تعرفي الأسباب المؤدية إلى أن نتيجتك فى الاختبار بتكون خطأ.
و عشان نعرف الأسباب فى قاعدة لازم تكون واضحة (هتجاوبى عن نفسك صح و بدقة هتكون نتيجتك صحيحة و دقيقة).
طيب ليه إجابتى فى الاختبار مش بتكون دقيقة ؟
أولا : قناعات أن فى سمات شخصية أو سلوكيات أفضل.
فلما بنجاوب على الأختبار بنجاوب اللى من وجهة نظرنا الأفضل مش اللى بيمثلنا.
مثال : المتعارف عليه إن الشخصية الاجتماعية أفضل و الشخص الانطوائى عنده مشكلة برغم لو دققنا فى الشخصيتين هنجد أن الانطوائى له مميزات بسبب صفة الانطوائية و الاجتماعى له مميزات آخرى.
فبالتالى لما نجاوب على سؤال عن ذاتنا منخترش الأفضل نختار اللى بيمثل سلوكياتنا و طبيعتنا و أفعالنا فى الحقيقة.
ثانياً : فى بعض الأشخاص بيشعروا بالحيرة أن فى أكتر من إجابة بتمثلهم.
لازم نتفق على أن مفيش إنسان بيملك جانب واحد و لكن بيملك جانبين و لكن فى جانب بيكون غالب على الجانب الآخر.
مثال : الشخص الاجتماعى مثلاً هو عنده وقت بيكون منطوى و الشخص الانطوائى فى وقت بيكون اجتماعى.
و لكن الفكرة ايه الحال اللى بيكون غالب على سلوكياتى أكتر و بكون مرتاح فى الحال ده أكتر.
فأحنا بنختار الإجابة اللى بتمثل السلوك أو السمة الغالبة.
ثالثاً : عدم معرفة الذات معرفة حقيقة.
للآسف فى مجموعة كبيرة من الناس ميعرفوش نفسهم بشكل حقيقى و دة لأنهم لا يهتموا بذاتهم و لا يعطوا لها حقها فى التعرف عليها من أجل التعامل السليم معها.
فبالتالى الإجابات بتكون عشوائية أو عن أنطباعات خاطئة عن الذات.
فالشخص محتاج يمر برحلة طويلة للتعرف عن ذاته قبل ان يحل الاختبار.
رابعاً : رفض جزء فى شخصيتنا أو أنكاره
أحياناً بننكر جانب بداخلنا لأن من وجهة نظرنا أنه قليل أو بيؤذينا.
مثال :من الممكن أنثى تكون عاطفية و لكن لأن عاطفتها سببت أذى لها بشكل كبير بتبدأ تنكر عاطفتها و لو نمط شخصيتها ظهر فى جزء عاطفى فتبدأ بالأنكار.
خامساً: الإجابة بدون تركيز
الإجابة عشان أخلص الأختبار و خلاص بدون تركيز و إجابة عن ذاتى بشكل حقيقى.
فمحتاج عند الإجابة تركيز أكبر.
دى معظم الأسباب مجرد ما هنتجنبها نتيجة الأختبار هتكون بتمثلنا و هتعرفى (نمط شخصيتك الأنثوية الحقيقى).
أنتظروا البوست اللى هنتكلم فى عن النمط الرئيسى و النمط الفرعى و الفرق ما بينهم.
أضغطى هنا لعمل الأختبار و أكتشاف شخصيتك الأنثوية
و متنسوش السكرين شوت لنتيجة الأختبار و مشاركة النتيجة معانا 
#أختبار_جرعة_نور_لأنماط_الشخصية_الأنثوية
#جرعة_من_جرعات_نور
#للأنوثة_وعلاج_العلاقات
