10 اسباب لتغير الاشخاص
10 أسباب لتغير الأشخاص
بين فترة وتانية، بنكتشف إن حد من حوالينا اتغير بشكل مفاجئ. السؤال الأهم: ليه الناس بتتغير؟ في المقال ده، هنتعرف على 10 أسباب لتغيير الناس وليه ممكن نكون واحد منهم.
ليه الناس بتتغير ؟ ليه بعد ما بنحبهم بيتغيروا ؟
1- ممكن متغيروش لكن أحنا اللى معرفناش الناس على حقيقتها.
2- فى البداية بنحكم على شخص بناء على معرفة سطحية و لكن مواقف الحياة اللى بتعلن عن هوية الأشخاص و صفاتهم.
3- ممكن أحنا اللى بنتغير و أحتياجتنا و تفكيرنا بيتغير فبالتالى نظرتنا لهم بتتغير لأن عين القلب والعقل مبقتش نفس العين.
4- فى ناس بتكون مناسبة لنا فى مرحلة عشان نتعلم منهم حاجة و نطور مجرد ما بنتعلم أو نطور فبيصبحوا غير مناسبين لمرحلتنا الجديدة و بنعتقد أنهم أتغيروا بس هى مرحلتهم أنتهت.
5 - ممكن أشخاص على مستوى تعامل بعينه مفيش مشكلة فى العلاقة لكن لما بنتعمق معاهم و بنتداخل بنبداء نكتشف مستويات آخرى فى نفسهم مش وحشه بس مختلفة و بنعتقد أنهم أتغيروا.
6- ممكن كانوا بيمثلوا ? أحتمال من الأحتمالات.
7- ممكن أنت السبب فى تغيرهم للأسوء ?️ بتحصل صدقونى.
8- ممكن أنتوا الأتنين أختبار لبعض أتغيرتوا للأسوء فسقطوا أنتوا الأتنين أو أطورتوا فنجحتوا مبروك.
9- ممكن ظروف الشخص مر بها أو تجربه غيرته عن وقت ما عرفته.
10- أو شخص أتغير عشان قرر يتغير عشان نسخته القديمة منه أصبحت غير صالحة لحياته.
أسباب التغيير كتير و لكن المهم تغير الأشخاص لا يصبح تهديد أو خوف أو تمسك بنسخة قديمة منهم.
لأن دة وارد أنه يحصل المهم :
- لما يتغيروا أعرف المناسب و المش مناسب ليك و خد قرارك و أعرف أنت ساهمت فى التغيير دة و لالا.
- أعرف مع نسختهم الجديدة تقدروا توصلوا لحل وسط و لا لا.
- المهم لما أنت كمان تتغير أتأكد أنك بتتغير للأحسن و أن نسختك أصبحت أفضل حتى لو مش مناسبة لبعض الأشخاص
خلاصة القول : لو شفت حد اتغير في حياتك، دا أمر طبيعي. أحيانًا الناس بيتغيروا بسبب تجارب صعبة أو ضغوط نفسية. أول حاجة هتعملها هي اسمعه، اسأله ليه اتغير وعلى أساس إيه. وأهم حاجة، افهم واحترم قراره ورأيه. إذا كنت تقدر تساعد، قدم المساعدة والدعم. ومهم أنك تظل متواصل معاه وتكون متاح للحديث معاه في أي وقت. الحياة بتتغير والناس بتتغير، والأمور ديه جزء منها.
و كل تغيير و أنتم طيبين ؟؟
#جرعة_من_جرعات_نور
#للأنوثة_وعلاج_العلاقات
