التعامل السليم فى العلاقة
بصوا الأمير بص لها متتجوزيش غير اللى يبص لك
بصوا الأمير مسك أيديها متتجوزيش غير اللى يمسك ايدك
بصوا بيهتم بيها متتجوزيش غير اللى يهتم بيكى كدة
طيب ما تيجى نحط كام نقطة كدة فى الأعتبار
أولاً : هما متجوزين جديد فطبيعى جداً دة بيحصل بين المتجوزين جديد
و بيكونوا بيحبوا بعض لكن الفرق هما بيتاخد لهم لقطات للحظات دى
ثانياً : الأمير معندهوش أقساط شقة و لا مشاكل فى الشغل فعنده مساحة نفسيه يحب و يهتم
ثالثاً : الراجل دة متربى فى قصر الملكة (أنثى) يعنى الناس دى عارفة قيمة الأنثى
و أتربت أن الراجل يعبر عن مشاعره لأنثى و لا عيب و لا غلط
رابعاً : هو بيحبها أوى منعرفش تعاملاتهم فيها أية ؟
هى بتعامله أزاى ؟ هو بيعاملها أزاى ؟
لأن التعاملات و مراعاة الآخر هى اللى بتخلى الحب يستمر و يكبر.
عايزين الحكم بجد على العلاقة بعد ما يفوت 5 سنين مش 5 شهور.
بعد مرورهم بعدد كبير من المواقف و الظروف.
فى الأول و فى الآخر ربنا يبارك لهم و يحفظ الحب اللى ما بينهم
بس بدل ما نفضل نعمل شير و نتحصر
نشوف ممكن نعمل أية عشان نوصل لعلاقة متوازنة فيها حب متبادل و أهتمام
و أزاى نحافظ على الحب دة و أدراك أن الحب لو عاش دة بسبب أن
التعامل السليم فى العلاقة بين اتنين عندهم أنسجام
