تعرف سر نجاح العلاقة مع شريك الحياة؟
أتعرفت على شابة هندية كان كلها حياة وحب في "رحلة ماليزيا"، لفت انتباهي إنها وجوزها بيغنوا وبيلعبوا في البحر حقيقي كأنهم أطفال مع بعض.
واحنا بنتكلم قالت لي إنها مع جوزها من 12 سنة والسر إن علاقتهم حلوة.
- أول حاجة الاحترام بيكون حتى قبل الحب، مش احترام لبعض بس ولكن حتى لأهلنا.
- اننا قررنا مهما يحصل الحل مش إننا نبعد لأننا جربنا دا وكنا بنرجع، لكن الحل إننا نشوف حل ونفضل مع بعض مهما كان.
- علاقتنا علاقة صداقة تمامًا، الرومانسية بتكون بس لما يتقفل علينا الباب لوحدنا.
لكن الصداقة هى الأساس.
- من البداية نكون حقيقين ومنخفيش حاجة، دي كانت أهم حاجة في علاقتنا.
عشان نقرر هل متقبلين بعض كدا ولالا.
وهى بتتكلم كانت بتقول كل كلمة ممكن تكون سبب في نجاح علاقة حقيقي.
حبيت علاقتهم مع بعض وتناغمهم وانسجامهم وقدرتهم على الاستمتاع مع بعض.
نجاح العلاقات مش صعب، بس محتاج شغل ومثابرة.
وحتى العلاقة اللي تبدو فاشلة، لو الطرفين قرروا حقيقي إنهم ينجحوها مش مستحيل، بس هيكون محتاج مجهود وعزيمة.
حقيقي حبيت واللي حبيته أكتر إن أسمها “Eshika- عشيقة”.
معادلة نجاح علاقة عشيقة "ألتزام - أحترام - صدق - تقبل - استمتاع"
حلو إننا نركز مع النماذج الناجحة ونستفيد منهم باللي يناسبنا.
#جرعة_من_جرعات_نور
#للأنوثة_وعلاج_العلاقات
