التخلص من العلاقات السامة
في حياة أي واحد مننا شوية علاقات في حياته مع صحابه، أهله، شريك حياته، عياله، بس في مجموعة من العلاقات دي بتكون علاقات سامة بتسبب لنا حزن وقلق في حياتنا، بمجرد ما بنتعامل مع الشخصية السامة في العلاقة دي، على الرغم أننا بنحب الشخص ده، بس دايما مسببلنا مشكلة في حياتنا، طب انت تعرف بقى العلاقات دي ليه بنسميها علاقات سامة؟
خلينا نشوف مع بعض ايه في المقالة دي من جرعة نور ما هي العلاقات السامة وكيفية التخلص من العلاقات السامة نهائياً، عشان لو في حد تعرفه فيه الحاجات دي تبعد عنه أو تحط له الحدود.
ما هي العلاقات السامة؟
التخلص من العلاقات السامة، ليه اسمها العلاقات السامة، متحترش، أنت أكيد تسمع عن السموم زي سم التعبان، كمان في ناس بنتعامل معاهم في حياتنا اليومية عندهم سموم، والسموم دي بتبان في أسلوبهم في كلامهم معانا وطريقتهم.
العلاقات السامة موجودة من زمان بس بسبب زيادة الوعي بصحة الإنسان ونفسيته، والناس اللي عايش معاهم، وتأثيرهم عليه، ظهرت كلمة العلاقات السامة، ومن المعروف أن العلاقات خلقت للراحة، وأحنا لما بندخل علاقة بنبقى عشان نكون مبسوطين ومرتاحين، بس لو حصل العكس يبقي العلاقة دي مش صحية، ومن المعروف ديما في أنواع العلاقات السامة هو شريك الحياة، بس ده مش معناه أنه مفيش علاقات سامة مع أهلك وشغلك.
بس هنا هنركز على العلاقة السامة مع شريك حياتك، والعلاقات السامة بتمر بمراحل مختلفة من الفتور وعدم الاهتمام بالشخص التاني، وممكن يوصل الموضوع أحيانا للنفور من الشخص ده، وممكن الموضوع يوصل أحيانا للشتم والضرب.
ما هي علامات العلاقة السامة؟
مش بيحترم خصوصيتك، وبيحاول يتصرف بدل منك في أي حاجة تخصك بحجة أنه عارف مصلحتك أكتر منك.
يتلاعب بمشاعرك لأغراض شخصية، وممكن يوصلك إحساس بالذنب أنك معملتش حاجة طلبها منك، وإزاي جالك قلب ترفضله طلب؟
مش بيتحمل مسؤولية أفعاله، وأحيانا بيحملك أنت المسؤولية عن ده.
ديما الطرف التاني بيقلل منك ومن أي حاجة بتعملها.
علطول بتسأل نفسك: هو إيه اللى أنا عملته غلط؟
الصمت السايد في العلاقة ما بينكم.
التعنيف و التجريح بالكلام.
تأثير العلاقات السامة على حياتنا:
العلاقات السامة بتأثر علينا واحنا مش واخدين بالنا، العلاقات السامة دي بتصدرلنا كم من المشاعر السلبية والقلق والتوتر، وطبيعي أحنا بنتأثر بكل ده بشكل غير واعي.
تأثير العلاقات السامة على ثقتنا بنفسنا
لما بنقابل ناس مش سوية في حياتنا بتأثر علينا وعلى سلوكنا، وبيحصلنا لغبطة هو أنا اللي بتصرف غلط ولا هما؟
وطبيعي ده يأثر عليك وعلى ثقتك بنفسك، لأنك مبقتش عارف تتعامل إزاي.
تأثير العلاقات السامة على حياتنا العاطفية والعملية.
العلاقات السامة بتأثر على مودنا ومزاجنا بشكل كبير، وده هيبان بعد ما تتعامل مع حد سام وتشوف تأثيره عليك بقى عامل إزاي ؟
متضايق ومخنوق ومش طايق نفسك ولا عايز تتعامل مع حد .
ايه اللي هيحصل معاك لو في حياتك حد من الأشخاص السامة؟
القلق والتوتر وممكن يوصل أحيانا للأكتئاب.
عايز يقعد لوحده معظم الوقت.
أحيانا بيوصله إحساس أنه غريب عن نفسه وعن الناس اللي حواليه.
ممكن يحصله نفور من الأكل أو شره.
اقرأ ايضًا: كيفية تحرير المشاعر وعلاج العلاقات مع تقنيات P.E.A.T
كيفية التخلص من العلاقات السامة ؟
مهم جدا أنك تعرف مين الناس السامة اللي حواليك، إزاي تتخلص منهم، ده هيفرق جدا جواك وفي حياتك وبمرور الوقت هتلاحظ الفرق اللي حصل معاك.
1. حدد العلاقات السامة وإزاي بتأثر عليك:
أول حاجة تعملها أنك تحدد كل العلاقات اللي في حياتك وتقيمها، وتحدد لو العلاقة دي مريحة لك ولا متعبة، ومن هنا هتبدأ تأخد رد فعل على العلاقة دي، هل هي مهم ليك ولا لا؟ هل عايز تكمل فيها؟ طب ايه اللي ممكن تعمله عشان متتأثرش بشكل سلبي بالعلاقة دي؟
كل دي أسئلة لازم تسألها لنفسك وتجاوب عليها، عشان تعرف هتعمل ايه بعد كده
2. حط حدود ومتسمحش لحد يعديها
من المهم أنك تحط لنفسك حدود في التعامل مع الناس وماتسمحش لأي حد مهما كان يعديها معاك، والحدود دي تكون واضحة، وأيا كان الشخص اللي هيتجاوز الحدود دي معاك لازم تعرفه أن ده مش مقبول بالنسبالك ولو اتكرر مرة تانية، يبقى أنت اللي اخترت.
بس أحيانا بيكون من الصعب أن تسيب العلاقة دي، في الغالب ممكن يكون الطرفين خلاص اتعودوا على بعض بشكل كبير، فيكون موضوع التخلي صعب بالنسبالهم.
كمان ممكن يكون بين الطرفين أطفال فبيبقى صعب عليهم قرار التخلي بسببهم، وكمان لازم الشخص اللي بيقرر الانفصال عن الشخص التاني يبقى مستقل ماديا عشان يقدر يتحمل مسؤلية نفسه، وده في أوقات كتير بيبقى الأوبشن ده مش موجود، عشان كده بيكمل مضطر في العلاقة دي.
اصلِ ممكن تبقى مجبور تكمل فالعلاقة دي، مع إنك عارف أنها بتأذيك لأسباب كتير واضحة بس رافض تشوفها، عشان كده مهم انك تعرف ازاي تتعامل في الحالة دي.
ولازم تبقى عارف أن أسلوب الشخص ده معاك مش أنت السبب فيه، هو ده أسلوبه، فمتحملش على نفسك ضغط أنك السبب.
كمان حاول أنك تقوي نفسيتك من خلال أنك تشتغل على نفسك، وأنك تتعلم حاجة جديدة تشغل بيها وقتك.
خطوات لتحسين صحتك النفسية بعد التخلص من العلاقات السامة :
حاول متلومش نفسك لأنك مقدرتش تكمل، وخليك دايما فاكر أن العلاقات خلقت للراحة مش للتعب.
عادي جدا انك تقعد لوحدك فترة لحد ما تظبط أمورك ونفسيتك وترجع عادي، اه هتاخد شوية وقت، بس هترجع تاني، وأفتكر دايما الناس اللي حواليك بتحبك وبتساعدك عشان لو احتاجت مساعدتهم مترردش أنك تتطلب منهم.
مش عيب خالص انك تروح لمتخصص وتتكلم معاه، وتحكيله عن مشاكلك، عشان تعرف تصلح الحاجات اللى اتكسرت جواك، أو إنك تشترك في الكورسات المتخصصة في التخلص من العلاقات السامة زي كورس جرعة شفاء من موقعنا اللي هيساعدك على العلاج من العلاقات السامة وكمان إنك متكونش جاذب لهم.
لو عايزة تعيشي حياة مليانة بالسلام والسعادة، أول خطوة هي التخلص من العلاقات السامة اللي بتستنزف طاقتك. مع "جرعة نور"، هتلاقي كل اللي تحتاجيه من نصايح ودعم علشان تبني حياة جديدة مليانة بالإيجابية. ابدأي دلوقتي وخدي القرار اللي هيفرق في حياتك للأبد.
دورة جرعة شفاء
في دورة جرعة شفاء هتتعلم أقوى وأعمق حركات علاجية، يعني تتعلم تقنيات P.E.A.T اللي هتساعدك تعالج العلاقات والخوف والصدمات والذكريات اللي بتوجعك. تقدر تستخدم الحركات دي في علاج (علاقتك بنفسك، جسمك، أهلك، شريك حياتك، فلوسك، شغلك، وحتى علاقتك بالله).
كمان تقدر تستخدمها كمان في علاج (احتياجاتك العاطفية، التمسك الزايد، خوفك من الجواز، مشاكل الجنس، البيبي الجواني، العلاقات اللي بتضر، علاقات مع حد نرجسي، وفهم الحاجات النفسية اللي متعلقه بيهم) ومهم: تقدر تستخدم الحركات دي على نفسك أو على الناس اللي تعامل معاهم.
اسئلة شائعة
ازاي اعالج نفسي من علاقة سامة؟
أتمالك الشجاعة وقول لنفسك العلاقة دي بتأذينى لازم اسيبها.
اتكلم مع الناس القريبة منك وخد منهم دعم عاطفي علشان تقدر تواجه قرارك.
ادي لنفسك عناية كاملة ومارس الانشطة اللي بتحبها وبتجبلك السعادة.
متسمحش لنفسك بوجود الشخص ده في حياتك مرة تانية.
كم مدة التعافي من علاقة سامة؟
التعافي من العلاقات السامة بياخد وقت شوية تقريبا ما بين 6 أشهر وحتى 9 أشهر، وده علشان تقدر تكمل حياتك من غير أي آثار سلبية من العلاقة السامة اللي كنت فيها.
