علاج الخوف من المشاجرات
فكرت قبل كده كام مرة مقولتش اللي أنت عاوزه وبتفكر فيه عشان متدخلش في مشاجرة أو خناقة مع اللي حواليك وقررت تعمل حاجة أنت مش عاوزها، فكرت كام مرة ليه بتخاف تقول أفكارك وآرائك وبتخاف إنك تنتقد أو يحصل خناقة أو مشكلة بسببها ومتعرفش تتصرف إزاي، طيب أنت عارف إن دي حالة نفسية وتقدر تعالجها بسهولة!
لو متعرفش سبب خوفك الأساسي وليه بتخاف من المشاجرات وبتخاف تقول رأيك، متقلقش، في المقالة دي من جرعة نور هنساعدك تعرف أكتر عن الأسباب الرئيسية لحالتك وكمان هتعرف علاج الخوف من المشاجرات وده اللي هيساعدك تعبر عن أفكارك وآرائك ومتخفش من حد أو أي مواجهة.
علاج الخوف من المشاجرات، ليه مهم؟
علاج الخوف من المشاجرات والمشاكل مهم جداً لأسباب كتير ومن ضمنها:
- التغلب على الخوف من المشاكل هيساعدك في بناء علاقات صحية وقوية مع الآخرين، وبيخليك تعرف تعبر عن رأيك بثقة، كمان هتعرف تتواصل مع الناس اللى حواليك براحة.
- لما تتغلب على خوفك هتعرف تتعامل مع المواقف الصعبة ومتخافش لو حصل أي مشكلة لأنك هتعرف تتصرف، ده بيزود ثقتك في نفسك.
- علاج الخوف من المشاجرات هيحميك من القلق والتوتر، وهيساعدك تعيش حياتك بشكل طبيعي وصحي.
ما أسباب الخوف من المشاجرات؟
الخوف من المشاجرات بيجي من أكتر من حاجة مثلًا:
- لو مريت بتجارب سلبية في حياتك زي أنك كنت بتضرب وأنت صغير أو تعرضت للتنمر في المدرسة، ده بيخلي عندك عقدة وخوف من تكرار المواقف دي تاني معاك.
- بسبب اللي هيحصل في المشاجرات وبعدها من خسارة الأشخاص أو التعرض للاعتداء الجسدي أو اللفظي.
- نقص في الثقة بالنفس والشعور بالضعف في التعامل مع المشاجرات.
- وجودك في بيئة مليانة بالعنف والمشاجرات بشكل متكرر، ده بيخلي عندك رغبة في أنك تتجنب المشاجرات والمشاكل في حياتك.
- ممكن الشخص ده ضعيف الشخصية ومقتنع بفكرة " السلام الأبدي" اللي هو مهما يحصل مش هتخانق مع حد عشان مش عايز حد يزعل مني.
تمارين للتغلب على الخوف
في مجموعة تمارين هتساعدك في علاج الخوف من المشاجرات والمشاكل، ومنها:
- التنفس بعمق لما بتاخد نفس عميق شوية، ده هيساعدك تقلق من خوفك وتوترك.
- تخيل نفسك كده في موقف مشابه للمشاجرة والخناقة اللى بتخاف منها، تخيل الوضع بتفاصيله، بالمكان والناس اللى فيه، خد نفس عميق وتخيل نفسك بتتصرف بثقة وهدوء، ده هيقوى عقلك الباطن إنك تتصرف بالشكل ده فالمواقف المشابه.
- بدل أفكارك السلبية بأفكار إيجابية تبين قدراتك على التعامل مع المواقف بطريقة صحيحة.
- ما تترددش في طلب المساعدة من مدرب متخصص، لأن مساعدة المدرب هتعرفك على تمارين وأدوات إضافية لمعالجة هذا الخوف، وللعلم المدربة نور البكري أول مدربة مدربين أنثى بالوطن العربي لتقنيات العلاج الشعوري P.E.A.T لعلاج المخاوف والعلاقات، واللي هتساعدك عشان تتخلص من مخاوفك بشكل عميق ونهائي.
ودايمًا خليك فاكر أن العلاج بيحتاج للصبر، ولازم تجرب التمارين دي وتكررها بانتظام عشان تلاحظ الفرق.
علاج الخوف من المشاجرات والمشاكل الكلامية
علاج الخوف من المشاجرات والمشاكل الكلامية ليه هدف أساسي وهو زيادة الثقة بالنفس وتحسين مهارات التواصل، والعلاج عبارة عن مجموعة تمارين هدفها فهم أسباب الخوف وإزاي نقوى شخصيتنا عشان نعرف نتعامل مع المواقف الصعبة، ومن التمارين دي:
- أول حاجة لازم تحدد ايه اللي يخليك تخاف من المشاجرات؛ عشان تعرف تتعامل مع الشيء اللي مخوفك.
- بعد كده مهم أنك تتعلم المهارات اللازمة للتعامل مع الصراعات والمشاكل الكلامية، ده هيساعدك في تقليل خوفك.
- قبل المواقف اللي بتتوقع فيها وجود مشاجرات أو مشاكل كلامية، حضر في دماغك الموقف وفكر في الردود اللي هتقولها وإزاي ممكن نحل الموقف بشكل سليم.
- قم بتحسين مهاراتك في التواصل والتعبير عن أفكارك ومشاعرك بطريقة واضحة ومحترمة.
- اشترك في دورات أو ورش عمل تساعدك تتخلص من مخاوفك، وتعتبر دورة جرعة شفاء مع المدربة نور البكري من أفضل الدورات اللى هتساعدك تتخلص من مخاوفك، ولو حابب تستفسر عن أي حاجة ممكن تتواصل مع خدمة العملاء وهما هيجاوبوا على كل استفساراتك.
وفي النهاية، متنساش إن العلاج ضروري لأن طعم الخوف من المشاجرات بيخلى الحياة مرة وتجيب ضغوطات زيادة فوق ضغوطات الحياة، وعلشان كده بننصح أي حد بالعلاج مع جرعة نور علشان تعرف تلاقي أفكارك وتواجه أي مشكلة أو حدث في حياتك من غير الخوف من المشاجرات والكلام مع الناس، العلاج سهل ومرن وبأحدث تقنيات العلاج الشعوري P.E.A.T وبأسلوب بسيط ومرن.
الأسئلة الشائعة
كيف يؤثر الخوف من المشاجرات على الحياة اليومية؟
يمكن أن يؤدي الخوف إلى تجنب المواقف الصعبة، وبالتالي هيأثر على التواصل في العلاقات الشخصية والعملية.
هل يمكن علاج الخوف من المشاجرات؟
نعم، علاج الخوف من المشاجرات ممكن يتم من خلال تمارين التحكم في التوتر وتقوية مهارات التواصل.
ما هي الخطوات الأولى في علاج الخوف من المشاجرات؟
البداية هي فهم أسباب الخوف وتحديدها، ثم التوجه لتعزيز الثقة بالنفس وتطوير مهارات التواصل
