ما هو فن إدارة الغضب ومهاراته
افتكر كام مرة غضبت بسبب حاجات بسيطة زي مثلًا: حد ياخد مكانك في ركنة عربيتك أو بسبب أن ابنك بيعيط وعامل دوشة أو مراتك مش كاوية قميصك أو أيًا كان السبب اللي بيخليك تفقد أعصابك وتتعصب ومزاجك يتقلب، كتير صح؟
طب فكرت قبل كده ايه اللى بيخليك توصل لكده؟ وإزاي تحاول تسيطر على غضبك؟
في المقالة دي من جرعة نور هنساعدك تعرف أكتر عن فن إدارة الغضب والسيطرة عليه، عشان تعرف تتحكم فيه بدل ما هو يتحكم فيك وتحمي علاقاتك من الخسارة.
ما هو فن إدارة الغضب The Art Of Anger Management؟
هو إنك تعرف تتعامل مع الغضب بصورة صحية، بهدف إنك تقلل توترك وغضبك وتهدي نفسك وتتعامل بشكل سليم مع المواقف الصعبة.
فن إدارة الغضب بيشمل إنك تتعرف على مشاعر الغضب وأسبابها، وتدي لنفسك وقت تفكر وتقيِّم الوضع بشكل هادي، وتعبر عن غضبك بطريقة صحيحة، وتستخدم تقنيات التحكم في التنفس والاسترخاء عشان تهدِّئ نفسك زي تقنيات PEAT.
الفن ده بيساعدك تحسِّن علاقاتك الشخصية وتقلِّل التوتر في شغلك وحياتك اليومية، وتحقِّق السيطرة على انفعالاتك السلبية.
فوائد فن إدارة الغضب Benefits Of The Art Of Anger Management
يُعَتبر فن إدارة الغضب من المهارات المهمة لبناء علاقات صحية وتحقيق التوازن العاطفي، عشان تفهم ازاي تتحكم في ردود أفعالك وتوجها بشكل صح، ودي مجموعة من الفوائد اللى هتكتسبها لما تتقن فن إدارة الغضب:
- بيساعد في تقليل التوتر والضغط النفسي، وبالتالي يمنع عديد من المشاكل الصحية زي: ارتفاع ضغط الدم والأمراض القلبية.
- لما هتعرف تدير غضبك بشكل صح، هتعرف تتعامل بطرق أكتر هدوءًا وتفهمًا واحتراماً مع الناس اللي حواليك، وده هيعزز علاقاتك الشخصية.
- هتعرف تعبر عن مشاعرك وآرائك بطريقة هادية.
- لما تتعلم إزاي تدير غضبك، هتكتسب القدرة على التفكير بشكل هادي ومنطقي والعمل على حل المشكلات بفعالية.
ودي كانت بعض المميزات اللي هتكتسبها لما تتقن فن إدراة الغضب، والفوائد دي بتختلف من شخص للتاني، بس المهم إنك تتعلم تطور مهاراتك فيه عشان تحسن جودة حياتك.
إزاي تعرف أنك غضبان أكتر من اللازم؟
لما تحس بغضب معظم الوقت وبشكل مش طبيعي، زي أنك تكون غضبان بشكل أكتر من اللازم على مواقف متستاهلش، ودي شوية علامات هتعرفك لو كان غضبك مناسب للموقف ولا انت مكبر الموضوع:
- لما تحس بالغضب الشديد، هتلاحظ زيادة في التوتر العاطفي، وده يصاحبه تغيرات في النوم والشهية.
- هتلاقي نفسك بتتعامل بشكل مبالغ فيه مع المواقف الصعبة أو المواقف العادية، وده بيظهر من خلال تصرفاتك المختلفة.
- لو حسيت بندم أو شعور بالذنب بعد ما فرغت غضبك من خلال كلامك أو تصرفاتك، ده بيكون إشارة أنك غضبان أكتر من اللازم.
- لو الغضب بيأثر على علاقاتك الشخصية أو شغلك، فده بيكون إشارة أنك بتعاني من مشكلة في إدارة غضبك.
لو انت بتلاحظ العلامات دي على نفسك، فمهم جدًا تفكر إزاي تتعامل مع غضبك وإيه أهم المهارات اللي لازم تتعلمها عشان تتحكم فيه، وفي الفقرة الجاية هنتكلم عن مهارات إدارة الغضب، يلا بينا نكمل.
مهارات إدارة الغضب Anger Management Skills
مهارات إدارة الغضب من الحاجات المهم أنك تتعلمها، لأنها هتساعدك تتعامل بشكل صح مع غضبك وتجنب التصرفات العدوانية، ودي أهم مهارات إدارة الغضب:
- لما تحس بالغضب، حاول تفكر قبل ما تتصرف، خذ نفس عميق وحاول تركز انتباهك على التنفس وابعد عن مشاعر الغضب قدر الإمكان.
- اتعلم تعبر عن مشاعرك بشكل صح بدل ما تكبتها.
- حاول تتجنب المواقف اللي بتثير غضبك، وابعد عن الناس اللى بيعصبوك وبيضايقوك.
- حاول تغير نظرتك للأمور وتركز على الجوانب الإيجابية، وخليك فاكر أن الغضب مش بيحل المشاكل لا ده بيزود الأمور سوء.
- لما تحس أنك غضبان، قوم اعمل أي حاجة زي مثلًا: قوم اعمل رياضة، صلي، ده هيساعدك تقلل من غضبك، وده اللي النبي عليه الصلاة والسلام قاله في حديثه الشريف: قال إن الغضب من الشيطان، وإن الشيطان خلق من نار وإنما تطفأ النار بالماء، فإذا غضب أحدكم فليتوضأ.
- لو مش عارف تتحكم في غضبك لوحدك، ومحتاج حد يساعدك ما تترددش في طلب المساعدة من المدربة نور البكري أول مدربة مدربين أنثى بالوطن العربي لتقنيات العلاج الشعوري P.E.A.T، واللي بتقدملك "دورة جرعة قبول" لتحديد احتياجاتك العاطفية بدقة وتعلم كيفية إشباعها بذكاء وبساطة والوصول للغنى في العلاقات، واللي هتساعدك تتحكم في غضبك وتتعلم أهم المهارات عشان تسيطر عليه.
إدارة الغضب حاجة ممكن تتعلمها وتتحكم فيها، بس بتحتاج وقت وممارسة وتدريب عشان تعرف تتعامل مع التحديات والغضب بشكل أفضل.
طرق التخلص من الغضب Ways To Get Rid Of Anger
في طرق كتير ممكن نستخدمها عشان نعرف نتحكم في غضبنا ونتخلص منه، ومنها:
- التنفس العميق: خد نفس عميق لمدة 4 ثوانٍ واحتفظ به، وبعد كده خرج النفس بشكل تدريجي، كرر العملية دي أكتر من مرة، ده بيساعدك في تهدئه نفسك.
- العب الرياضة: العب رياضة سواء في الجيم أو البيت، المهم يكون في نشاط بدني بتخرج فيه طاقتك.
- ابعد عن مصدر الغضب: في حالة شعورك بالغضب، ابعد شوية عن المكان أو الشخص اللي سبب لك الشعور بالغضب.
- ركز على التفكير الإيجابي: حول انتباهك ناحية الأفكار الإيجابية وابعد عن التفكير السلبي.
- اتكلم بشكل هادي: لما تتكلم وتتعامل مع الناس اللي حواليك، حاول تستخدم أسلوب هادي ومنطقي وتجنب التصرفات العداونية.
- دور على وسائل تهدي عقلك: ومن أشهر الوسائل المنتشرة: تمارين التنفس، اليوجا، الاسترخاء العميق، دي كلها وسائل بتساعدك تهدي من نفسك.
وبكده نكون عرفنا أن الغضب شعور طبيعي عندنا كلنا، بس الفرق في الأسلوب والتعبير عنه عندنا، عشان كده فن إدارة الغضب مش حاجة ترفيهية، ده حاجة مهمة، لأنه بالظبط شبه استراتيجية للحياة اللي مليانة ضغوط وتوتر.
وبمجرد ما تتعلم تتنفس بشكل أكتر عمق وهدوء، هتلاقي حياتك بتتغير للأفضل، خليك متأكد من إن الغضب مش الحل، إدارته هي الحل.
