ليه الراجل بيخون

أسباب بتدفع الراجل أنه يخون زوجته ? 

و أية الحالات اللى ممكن يرجع فيها عن خيانته

هنعرف فى المقال دة ليه الراجل بيخون
معظم الرجالة اللى بتخون بتشوف أنها مبتعملش حاجة غلط

و خصوصاً الراجل الشرقى لأن أتزرع عنده أنت راجل ممكن تخون

لكن الست لا تبقى مش شريفة

بالأضافة أن ساعات عقله بيحلله الفعل دة بطرق مختلفة

هو أنا لما أكلمها فى التليفون تبقى خيانة أو لو موصلتش لعلاقة جنسية كاملة

تبقى مش خيانة و عادى أحنا مبنعملش حاجة غلط

طيب هو ليه ممكن يخون شريكته فعلاً

 عنده أحتياج غير مشبع 
عنده أحتياج كبير لعاطفة ممكن تكون حنيه أو دعم أو تقدير أو غيره
و تكون زوجته مش بتشبع له الأحتياج دة بالشكل الكافى فبيدور على أشباع الأحتياج دة برا

.

 تغير شريكة حياته
أسلوب زوجته و طريقتها يتغيروا للأسوء أو تبداء تهمل فى نفسها أو شكل جسمها يتغير

أو تبداء تهمل زوجها و أحتياجاته العاطفية أو متطلباته الجنسية

.
 الأنتقام من الزوجه 
بيكون مجروح من الزوجه أو علاقتهم سيئه و عايز يحسسها بالآلم

فبيستخدم الخيانة بدل مواجهة الزوجة بآلمه و حل المشكلة

(و دة بيتعرف بسهولة لأنه بيعترف على نفسه أنه خان عشان يحسسها بالآلم)

.
الأختلاف و عدم وجود ألتقاء
يعنى أتنين مختلفين أتجوزوا يعنى مثلاً

(هو عايز يجرب حاجات جديدة حتى لو غلط و هى لا )

هو مش متجدد و مش متطلع و خامل و كسول و هى مثقفة و بتحب القرايه

هو شخص شهوانى و هى شخصية متحفظة و قايمة بدور الأم أكتر

.
 أنه يكون شخص نرجسى
شايف دائماً نفسه أنه يستحق أفضل حاجة

و مهما شريكته عملت بردوا مش راضى و شايف فى أحسن.

.
التعرض لصدمة من الطفولة 
أنه أتعرض لأهمال و تجاهل شديد أو أعتداء جسدى أو جنسى

و الخيانة بتكون نوع من الأستجابة الخفية للأعتداءت دى.

.
 الشعور بالنقص لفترة طويلة
لما يكون حاسس بنقص زى أنه مش وسيم أو أنه فقير

و أن الجنس الآخر مش مهتم أنه يدخل فى علاقه عاطفية معاه

بيبداء أول ما يتغنى أو يكبر شوية يحاول يثبت لنفسه أنه مرغوب فى من الجنس الآخر.

.
 محاكاة القدوه و رفضها
لما يكون الأب القدوه خاين و كان بيأذى الأم طول الوقت

لما الراجل يكبر و هو رافض دة من جواه و متصالحش مع فعل الأب

بطريقة غير واعيه هيبداء يحاكى أفعال الأب و هيخون زيه

.
طيب هو الزوجة ممكن تغير وضع الخيانة دة لوحدها ؟؟؟؟

فى أول 3 حالات أة تقدر تغير الوضع لو غيرت من أفعالها و أسلوبها

و من اللى بتقدمه و أتواصلت مع أنوثتها أكتر و عاملته كراجل.

لكن فى الـ 5حالت التانية لازم التغيير يكون من الطرفين
الراجل يدرك أفعاله و يعرف سببها و يبداء يدرك تصرفاته و يغيرها

و أحياناً بيتطلب علاج الرجل من الصدمات اللى مر بيها

جرعة نور - نور البكري