مين قال أن كل اللى بيسيبك مبيحبكيش
و مين قال أن كل اللى بيسيبك مبيحبكيش
ممكن ندل أو جبان أو مش بيتحمل المسئولية أو ضعيف و بيسمع كلمة مامى
فهى قالت له كخ يع متتجوز دى أو الخوف اللى جوا قلبه أكبر من الحب،أو
كلها أعذار أقبح من ذنب، بس الفكرة أنه مش شرط أنه ميكونش محبكيش
(ممكن بيحبك بس جواه حاجة أكبر بكتير من الحب)
أكبر من الحب يعنى مش أكبر منك أنتى أفصلى الاتنين.
أحنا فى أرض الواقع مش فى ديزني
يعنى تبقى مقابلة الأمير من 5د و هيبقى هيكسر الدنيا عشان الأميرة
و حبها فى الدقيقة 6.
فى ناس مستسلمة و ناس ضعيفة و ناس مش قادرة تعمل حاجة
قدام الحواجز اللى حطاها جواها، فمش كله الأمير الشجاع المغوار
اللى هيخطف الأميرة من بوق التنين.?
فى ناس بالجُبن الكافى أنها تحط الأميرة فى بوق التنين عشان تنجو هى،
برغم الأميرة كيوت و بتتحب.
فمتقوليش محبكيش عشان كدة سابك هو محبش نفسه
كفايه عشان يتخطى عيوبه و أوجاعه الداخلية.
حبى أنتى نفسك و تخطى كل دة و أبدئى من جديد مع حد قادر ياخدك من بوق التنين.?
أنتـى أميــ?ـرة
جرعة نور - نور البكري
