اكتشفي طرقًا فعّالة لتحسين مهاراتك
نيكول سابا قبل ما تتجوز يوسف الخال كانت تعرفه قبلها بـ10 سنين
و أرتبطوا و أنفصلوا فترة طويلة قبل ما يرجعوا لبعض و يتجوزوا
فلما سألوها لما أنفصلتوا و رجعتوا كنتوا أتغيرتوا ؟؟
قالت : طبعاً أتغيرنا أنا و هو و يمكن دة السبب المرة دى أن علاقتنا أطورت
و أكتملت بالزواج ممكن لو كنا كملنا زمان كانت علاقتنا أدمرت
يمكن دة الوقت المناسب اللى نرتبط فى بعد التغييرات عشان نقدر ننجح و نكمل
لما متاخديش أى حاجة كنتى عوزاها، أعرفى أن مش دة الوقت المناسب ليها أحياناً
لازم نمر برحلة عشان نتغير و نصبح أكثر وعى و نضوج فى جزئيات معينة عشان نكون مؤهلين
أننا ناخد الحاجة دى بشكل مناسب لينا و من غير ما يدمرنا
الكلام دة ينطبق على الزواج على الفلوس على الأولاد على شغل معين.
فلما متاخديش حاجة كان نفسك فيها فوضى أمرك لله و أعملى اللى عليكى بأنك تطورى نفسك
فى الجزئية دى و تستعدى لما تيجى أزاى تقدرى تتعاملى معاها صح
و أسوء الأمور لو مجتش الحاجة نفسها بالظبط اللى كنتى بتتمنيها أعرفى أنك كنتى بتستعدى
عشان تاخدى حاجة أعظم من اللى كنتى بتتمنيها مناسبة ليكى
ركزى على نفسك و تطويرها .. و سيبى تدابير الله تاخد مجراها
جرعة نور - نور البكري
