البنت لما بيتحفر فى عقلها تجربة عاطفية سيئة لازم تتكرر معاها
البنت لما بيتحفر فى عقلها تجربة عاطفية سيئة لازم تتكرر معاها
the originalsفى مسلسل
ريبيكا أتعرضت للهجر من باباها و كل لما تدخل علاقة لازم حبيبها يهجرها أو يسيبها أو يتخلى عنها
حبت واحد أسمه مارسيلياس و هو بيحبها جدا
كل شوية يسيبوا بعض بعد ما علاقتهم ترجع
ببص ليه كل شوية بيسيبوا بعض؟
لو دققت فى الأحداث هتلاحظ كل مرة سبب تافهه جدا و هى اللى بتختار تبعد بالرغم
أن ممكن تفضل مع حبيبها، لكن كل مرة تطلع بفكرة يكون فيها نقطة خلاف و بتكون تافهه جداً
و ممكن يكملوا مع بعض بس هى اللى بتختار تبعد
فى الظاهر و من ردود أفعالها و كلامها هتحس أن هو اللى بيهجرها لكن لما تدقق فى المشاهد
اللى بتجمعهم و الحوار هتلاقى أن هو عايزها تكون معاه و هى اللى بتختار الخلاف و البُعد
خلى بالك فى علاقاتك و بصى من منظور أوسع من منظورك لأن أحياناً أحنا اللى بنبرمج نفسنا
على دور لازم نأديه بغض النظر عن أحنا عايزين أية بطريقة واعية
لو بتوصل لنفس النتائج فى كل العلاقات بصى فى نفسك و شوفى أية اللى عايز يتغير.
غير كدة كل مرة هتوصلى لنفس النتيجة لحد ما تتعلمى الدرس و تدركى الحقيقة
جرعة نور - نور البكري
