سر حب البنت للشوبينج ؟
سر حب البنت للشوبينج ؟؟؟
ممكن ناس كتير شايفين حب البنت للشوبينج تفاهه لكن فى منظور تانى أعمق 
البنت لما بتكون مضايقة أو زعلانة من مجرد بس بتبص علي الفاترينه من برا على الهدوم
دة بيعملها حالة نشوى و يا سلام بقى لو دخلت محل و قعدت تشوف هدوم و تقييس دى حالة تانية خالص
لو عندها مصايب الدنيا هتلاقى كل دة راح هل دة تفاهه من البنت ؟؟؟
لا بس لو فكرنا أنها مجرد ما بتبص على الهدوم هى بتقعد تتخيل الهدوم عليها أو دة حلو أو وحش
و دة ممكن يليق عليا أو لا و دة هيتخنى و دة هيقصرنى و
دة هيكعبرنى و دة هيخليني زى خلة السنان فبالتالى هى دالوقتى فى حالة تركيز تااااااااااااام
يعنى لفتت أنتباه عقلها لحته تانية اللى هى الحاض مفيش ماضى أو مستقبل فى هدوم و بس
(و دة اللى بيسمى ( العيش فى اللحظة
و العيش فى اللحظة من اكتر الحاجات اللي بتساعد على الأسترخاء و السعادة
لأنها بتعيش العقل فى الآن يعني لا هموم راحت و لا هموم جاية
فبالتالى الشوبينج عند البنت مش مجرد نشاط الشوبينج عند البنت حالة أسترخاء و أستجمام و روقان
جرعة نور - نور البكري
