10 علامات تدل على أن الشخص غير متاح عاطفياً
علامات تدل على أن الشخص غير متاح عاطفياً و غير مستعد للأرتباط
١- مش بيعبر عن مشاعره أبداً أو بيعبر عن اللى بداخله (جزء مشاعره بيخفيه عنك وبيضع حدود بينك و بينه.
٢- كل المواضيع الجادة اللى ممكن تعبر عنه أو عن مشاعره سواء غضب أو حزن أو غيره بيتفاداها و بيغير الموضوع أو بيحولها لهزار
٣- مش عايز يرتبط و مش بيحدد شكل العلاقة و لو عايز يرتبط خطواته بطيئة جداااااااا و مفيش خطوات فعليه أو كلام واضح و صريح
٤- محصور فى الماضى و التجارب القديمة و مش بيطلعك على الماضى دة
٥- مش بيعرف يتعامل مع مشاعرك أو مش بيحاول يتعامل مع مشاعرك و بيتهرب منها
٦- بيخلق مساحات دائماً بينك و بينه بالأنشغال فى أنشطة أو بأنه يسخر أو ينتقد طول الوقت كلامك العاطفى أو العلاقات بوجه عام
٧- بيتعامل كأنه غير مرتبط و مش بيحاول يغير أى حاجة من روتين حياته أو يعطيكى مساحه من وقته و يومه
٨- بيبحث عن الكمال فى العلاقات و غير مستعد لتقبل أى عيوب أو خلافات
٩- الأستهتار و التأخير على المواعيد اللى ما بينكم
١٠- بيهتم بالكلام الجنسى و لا يهتم بالكلام العاطفى أبداً أو الأهتمام بيكى و بتفاصيل حياتك الشخصية
كيف أعرف أن هذا الشخص غير مناسب لي
- الغضب من الجنس الآخر بسبب تجربة عاطفية سيئة- الخوف من الوقوع فى الحب و بيتجنبوا الحميمية و بيخافوا من أن حد يقترب منهم عاطفياً فيتجرحوا
- دائماً بيحاول يحسس نفسه بالأكتفاء و أنه مش محتاج لشخص برغم أن دة غير صحيح
- بيكونوا خايفين على أستقلاليتهم جدا
- دائماً بيفكروا فى سلبيات الشئ و مخاطرة و آثارة السلبية المستقبلية دون النظر للأيجابيات
للآسف الدخول فى علاقة زى دى مع الوقت الشخص بيخرج خسران
و بيخرج بشعور الوحدة و عدم الأهمية و أنهم مرفوضين لأن الطرف الآخر لم يسمح لنفسه
أنه يستقبل مشاعرهم و لا كان بيعطى من مشاعر أو وقته أو بيبذل أدنى مجهود للعلاقة.
عشان كدة لو فى علاقة زى دى قدر نفسك بالشكل الكافى و أعرف أن نتيجتها أنك هتخرج خسران من العلاقة فمتزودش خسارتك.
واجه الطرف الآخر أن لك حقوق و لو شعرت أنه غير مستعد أنه يقوم بدوره
لتكون العلاقة سوية خد القرار المناسب ليك بعدها بس أعرف أنه (شخص غير متاح عاطفياً)
