ى فيلم (warm bodies)
الفيلم بيبتدى أن زومى شاب وسيم بس زومبى أسمه (R)
كان بيفكر أد أية الحياة مع الزومبى مفيهاش تواصل و بيغلب عليها البرود و أنعدام العاطفة.
و أن لو فى تواصل الدنيا هتكون أكثر حياة و دفء.
لحد ما جه يوم و هو رايح يهاجم البشر عشان ياخدوا وجبتهم (البشر مفروض أكلهم)
شاف (جولى) هى و صديقها (بيرى) و اللى كانت علاقتهم فى آخر وقت بقت سيئة و مضطربة.
و أعجب بـ (جولى) و حس بأنجذاب ناحيتها و راح أكل دماغ صديقها (بيرى)
و اللحظة اللى أكل فيها دماغه بدأ يشوف الذكريات الحلوة اللى بين (جولى) و (بيرى).
و بدأ يحس حاجات عمره ما حسها قبل كدة فأخد (جولى) معاه فى منطقة الزومبى و خباها
و بدأ يعاملها كويس و كل لما كانت بتفوت الأيام كانت هى بتطمن له أكتر
و هى بتحيى فى الجزء البشرى اللى جواه و بتحيى قلبه.
و لما الزومبى عرفوا بوجودها بقى عايزين ياكلوها لكن هو وقف عشان يحميها و كان ماسك أيديها بحب.
اللحظة دى الزومبى حسوا بالتواصل اللى ما بين (R) و ما بين (جولى)
و كأنهم أتمنوا يكون فى تواصل فى حياتهم زى دة.
فسابوهم و بدؤا كمان يحموهم من (الهياكل) اللى هى كانت فقدت قلبها خالص و كانت بطاردهم.
و فى مشهد جميل الزومبى وقفين قدام صورة اتنين ماسكين أيد بعض متعلقة فى المنطقة بتاعتهم.
أول ما شفوها و حسوا التواصل اللى فى الصورة زى تواصل (R) و (جولى) بدأت قلوبهم تحيى هى كمان.
و مع توالى الأحداث بدأ الزومبى يتحولوا لبشر طبيعين مع التواصل مع البشر و الشعور بالحب
و كل لما يتواصلوا و يحسوا بالحب كل لما يتحولوا لبشر طبيعين.
و كل دة من مجرد فكرة و رغبة فى التغيير ظهرت فى عقل شخص واحد
و مجرد ما شخص بدأ يحب بجد و يحس الحب فعلاً بدأ دة ينعكس على كل اللى حواليه
و ما أحدث تغيير بس على مستوى حياته لا كمان حياة الآخرين.
الفيلم حلو و لطيف فى معانى حلوة عن التغيير و عن تأثير الحب فينا
أنصحكوا تشوفوا فى رسائل حلوة تانية كمان لطيفة.
#جرعة_من_جرعات_نور
#للأنوثة_وعلاج_العلاقات
