قوة الأنثى و آثرها فى العلاقة
الأنثى عندها القوة و القدرة أنها تنجح علاقتها و تسعد جوزها بنسبة %85
لأن هى اللى عندها الأسلحة و القدرات و الفن فى التعامل
أة مش بقول أن الرجل ملهوش أى دور لا طبعاً لى دور
بس الراجل كائن عملى الأنثى هى اللى عندها ألاعيب الحب و التعامل
و حتى لو هى متعرفش فهى قادرة أنها تتعلم الأساليب دى و تتقنها بجدارة
الأنثى اللى تقول أصل هو مش عارف أية ؟؟؟؟؟؟
يبقى أنتى بتحطى نجاح العلاقة فى أيدة هو فى أيد كائن عملى
عوزاة دائماً يبتدى هو يلعب فى مكان مش ملعبة
بدل ما أنتى تديه الحب و تتعاملى معاه و تخليه هو يشاركك الحب فى ملعبك أنتى
أجذبيه ليكى و أبتدى أشتغلى على نجاح علاقتك معاه بدل ما تستنى المبادرة منه
و لو أستنيتى هتعيشى عمرك كله مستنيه تعيشى السعادة مجرد لحظات أنتظار
قومى حالاً دالوقتى شوفى علاقتك مع جوزك فين الخلل فيها
و أبدئى صلحى علاقتك معاه و أقرى و جربى طرق مختلفة لحد ما توصلي للسعادة اللى قبلك وصل ليها
و أسمعى دائماً و راقبى اللى نجحوا فى علاقتهم بيتعاملوا أزاى !!
صلحى علاقتك لأن دى أجمل علاقة
دى العلاقة اللى قال عليها ربنا (و جعل بينكم مودة و رحمة ) صدق الله العظيم
جرعة نور - نور البكري
