الجواز مشروع أجتماعى فاشل
الجواز مشروع أجتماعى فاشل
أزاى نوصف عقد و ميثاق غليظ بين أتنين على أنه مشروع أجتماعى فاشل؟
الجواز عهد و ميثاق بين أتنين حطوا أيديهم فى أيد بعض و أتواعدوا مع بعض على أنهم ينجحوا العلاقة دى.
هو أتعاهد أنه يكون زوج صالح يحميها و يكون سندها و ضهرها و يريحها و يكون راجل ليها بكل ما تعنى الكلمة.
هى أتعاهدت أنها تكون زوجة صالحة تعمل على راحته و تكون لى السكن و الحب و الراحه و تكون له أنثى.
مش معنى أن واحد من الأتنين خان العهد اللى أخده على نفسه و مكنش أده يبقى الجواز مشروع أجتماعى فاشل.
دة معناه أن أحد الطرفين اللى أتعاهدوا فشلوا و فى فرق بين الأتنين.
الجواز من أجمل نعم ربنا قايم على المودة و الرحمة و السكن و دة اللى حدده الله
أن أحنا خلناه مشروع أجتماعى فاشل دة مش مشكلة الجواز دة مشكلتنا أحنا
ربنا قال (إن الله لا يظلم الناس شيئا ولكن الناس أنفسهم يظلمون)
ربنا مظلمناش لما حط لنا نظام الجواز بالعكس هو حطة لينا و لراحتنا
عشان نلاقى حد يحافظ على قلبنا و يراعينا و نعيش فى حب و ود
و الأولاد يعيشوا ما بين أتنين قادرين على تربيتهم و أحتوائهم و الحفاظ عليهم.
أن أحنا بقى بنتعامل غلط جوا علاقة و نفشل و مش مستعدين حتى نتعلم الصح
- و لا نغير نظرتنا لا و كمان نبداء نتهم الجواز، كأن الجواز دة راجل هو اللى مرتبط معانا
- مش أحنا اللى بنحدد شكله، و نبداء نخون أو تعامل غلط أو نبدل أدوارنا
- الأنثى تبداء تتعامل غلط و الراجل يفقد قوامته و غيره كتير
- يبقى هنا دخلنا تحت بند (و لكن الناس أنفسهم يظلمون)
الجواز مش مشروع أجتماعى فاشل، الجواز علاقة مقدسة ليها قدسيتها و أحترامها، - الجواز ميثاق و عهد غليظ ما بين أتنين
- الجواز عامل زى الأرض الطاهرة المقدسة اللى لازم نحترم قدسيتها
- بأننا نحافظ على وعدنا و عهدنا اللى أتعاهدنا بى أمام الله
مش أد الجواز و قدسيته ما تتجوز .. مش أد أنك تكون متحمل مسئولية سعادة أنسان تانى ما تتجوز
بس من فضلك متطلقش عليه مشروع أجتماعى فاشل بناء على فشلك الشخصى
أو فشل الطرف الآخر فى الجواز لو أنت متجوز أو بناء على فشل التجارب اللى حواليك لو أنت عازب
الجواز برئ من أتهامتنا و أحنا المتهم الوحيد
