الراجل مبيحبش يرتبط بالمرأة الذكية ؟
هل الراجل مبيحبش يرتبط بالمرأة الذكية و بيخاف يقرب منها ؟؟؟؟
أكيد طبعا فى نوعية من الرجالة متحبش ترتبط بالمرأة الذكية
و دة نوع من الرجالة أنتى أصلا لو ذكية و طموحة مش هتحبى ترتبطى بى فالنوعية دى
نخليها على جنب و برا دائرة نقاشنا و تركيزنا
و خلينا نقول هل الراجل السوى ميحبش يرتبط بالمرأة الذكية و بيخاف منها ؟
الأجابة هتكون لا طبعاً بالعكس لأن المرأة الذكية فعلا مش ذكية بس فى فكرها او فى مجال علمى
أو مجال شغلها لا ذكية كمان أجتماعياً و عاطفياً و دة الأهم
لأن الذكاء الأجتماعى و العاطفى بيمثل نسبة أكبر بكتير من الذكاء العقلي فى نجاح الأنسان فى العموم
المشكلة ان الذكاء مش انك تكونى جد زيادة عن اللزوم و تكونى غرقانة فى شغلك و لبسة النظارة و لمة شعرك
فلو أنتى ذكية فعلا فى التعامل و فى فهم اللى قدامك و قرايته و أية هى مداخله
أية المواضيع اللى بتجذبه بيحب اية مبيحبش أية و أية طرق التعامل اللى تنفع معاه
أمتى تتكلمى و أمتى تسكتى أزاى تتحكمى فى أنفعالاتك
أنتى هتبقى مصدر أنجذاب و قبول من اللى حواليكى سواء راجل أو ست لأنك فعلا ذكية
و بالنسبة للرجالة أة الراجل بيحب الست الذكية و بينجذب ليها و مبيخفش منها
السؤال : هل أنتى ذكية فعلاً ؟
جرعة نور - نور البكري
