كيف أكون جميلة ؟ ليه فيه بنات جذابه وبنات مش جذابه ، ايه السر ؟
مش جميلة بس الرجالة بتنجذب ليها
(فى حاجة كدة متكررة بنشوفها ساعات بنشوف بنت بالمقاييس المجتمعية للجمال (مش الواوووو
و مع ذلك بتلقيها جذابة و الناس رجالة و ستات منجذبين ليها.
(و هنا بقى يخلينا نقول السر الأعظم للأنجذاب هو (الكاريزما
البنت اللى بتمتلك كاريزما أية هى مواصفاتها ؟
أول حاجة هى ليها شخصيتها اللى هى مبيناها أوى و عيشاها،
هى عيشة نفسها مبتحاولش تكون حد تانى غير نفسهاالحاجة التانية و من أهم الحاجات اللى لازم تمتلكها أى بنت
عندها ثقة فى نفسها) مفيش حد هيكون جذاب أوى غير لما يكون واثق فى نفسه أوى)
عارفين ليه ؟؟؟
لأن الشخص اللى واثق فى نفسه بيبقى معندهوش أى مشكلة أنه يبين نفسه و صفاته و يعبر عن نفسه و آرائه.
يعنى شرط أساسى عشان تمتلكى الجاذبية العظمى دى حتى لو شايفة ملامحك
بالمقاييس المجتمعية مش واوووووو) أن يكون عندك ثقه فى نفسك.
طيب أزاى يكون عندى الثقة فى النفس دى ؟؟؟
أو كيف أكون جميلة ؟
دة من خلال حاجتين :
الأولى : نظرتك لنفسك
التانية : تعاملاتك مع نفسك.
الأول (نظرتك لنفسك)
خليها قاعدة محدش هيقدر يشوفك جذابة أو حلوة أو جميلة غير لما تكونى شايفة نفسك كدة
طيب أنا ليه مش قادرة أشوف نفسى جذابة أو جميلة 
بكل بساطة لأن موضوع نظرتك لنفسك دة بيبقى أنعكاس لصورة قديمة جواكى حطهالك بابا أو ماما أو الناس أو المواقف و التجارب اللى مريتى بيها فى حياتك فلو الصورة دى سلبية معظم الوقت عنك أو عن شكلك، أنتى بتصدقى الصورة دى و بتقولى دة أنا.
بالرغم أن دة مش أنتى و مش صورتك (دى صورة هما رسموها ليكى و أنتى صدقتيها ليس الا).
طيب أعمل أية عشان أبدء مصدقش الصورة اللى رسموها دى 
بصى ياستى هقولك على تمرين بسيط بس نتيجتة عظيمة 
جيبى ورقة و قلم و أكتبى كل حاجة عن نظرتك عن نفسك مثلاً:
تخينة - رفيعة - مش حلوة - غبية - متتحبش - دمها تقيل
و بعد ما تكتبى دة أكتبى مشاعرك و أفكارك كلها من ناحية كل صفة و قطعى الورقة دى و أرميها .
أنتى هنا بتفرغى مشاعر الصفة اللى حطوهالك فهيبقى ملهاش آثر جواكى.
فالصورة اللى هما رسموها بتبداء تختفى.
و بعدها تقدرى تشوفى الجمال اللى جواكى بكل وضوح.
شخص بيحط مبررات عشان ميكملش معاك
تاني حاجة في كيف أكون جميلة ؟
تعاملاتك مع نفسك -
مينفعش يكون عندك ثقة فى نفسك و أنتى مش شغالة على نفسك.
- مينفعش ميكونش عندى معلومات و فكر و اروح أتكلم قدام الناس (يبقى هنا لازم اقرا).
- مينفعش طول الوقت مبهدلة و مش بهتم بنظافتى و بمظهرى (و عايزة احس بجمالى).
- مينفعش اروح اقدم على شغل فى مكان (و انا مهاراتى صفر).
و هكذا.......
عايزة تحسى بثقتك فى نفسك لازم تشتغلى على نفسك و ترصدى أية النقط الضعف و حاول تطورى منها و تنميها.
لازم نشتغل على الجانب النفسى لكن من غير عمل حقيقى بأفعال على تطوير نفسى يبقى مش هوصل لنتيجة ترضينى.
جرعة نور - نور البكري
