ليه شخصية روقة هى حلم كثير من الرجال ؟
ليه شخصية روقة هى حلم كثير من الرجال ؟
أولاً : لأنها أنثى ناعمة و لطيفة جداً.
ثانياً : بتشارك الرجل أهتماماته.
ثالثاً : قبول تام لشريك حياتها.
رابعاً : المشاركة فى الحلوة و المرة معاه.
خامساً : حنينه و معطاءه بشكل كبير جداً
و لكن روقة ضحت بنفسها وماتت وهو لم يتدخل (الصراحة مش فاكرة الفيلم أوى ?
فمش عارفة هو كان ندل معاها أزاى ؟
طيب أية غلطة روقة هنا ؟؟
برغم أنها كانت أنثى جميلة جداً و مش بتكلم على الشكل (برغم أنها كانت جميلة شكلاً كمان)
بس مشكلتها معندهاش تقدير لذاتها عندها إنكار للذات كبير و دة اللى وصلها
أن تم التضحية بها لأن هى كانت بتعامل نفسها من البداية برخص و أنها مش مهمة.
فالآخرين طبيعى يعاملوها بالشكل دة لأن هى عاشت دور المضحية و المش مهمة.
و دة نمط من أنماط الشخصية الأنثوية و لكن للآسف غير متزن.
الفكرة الموازنة بتكون (الأنثى اللطيفة اللى كانت عليها روقة + تقدير ذات أن أنا كمان مهمة + وضع حدود
و أعرف أمتى أقول لا و أتناقش + و أمتى أعترض تماماً و أنسحب أنسحاب تام
ببساطة نعومة + ذكاء + قوة.
يعنى تكونى ناعمة و ضعيفة طول ما الرجل اللى معاكى راجل ليكى
و بتظهرى قوتك لما يكون الرجل اللى معاكى بقى رجل عليكى و مش بتكون بالدراع
و لا الصوت العالى و لكن بأنك يكون ليكى حدود و تكونى مقدرة نفسك و عارفة أمتى تعترضى أو تنسحبى.
فكونى روقه مفيش أى مشكلة لأنها جميلة فعلاً بس كونى روقه المتوازنة
مش روقه اللى بيتم التضحية بها فى أول موقف صعب.
#جرعة_من_جرعات_نور
#للأنوثة_وعلاج_العلاقات
