الست نكدية vs الراجل اللى مش صريح
الست نكدية vs الراجل اللى مش صريح
الأنثى بتحب الشخص الواضح الصريح فى مشاعره و أفعاله بتتماشى مع الكلام اللى بيقوله
لأن الوضوح هيولد عندها الثقة فى الشخص و الثقة هتولد أحساس الأمان
و الأمان من أقوى و أهم أحتياجات الأنثى
و فى تصرفات بيعملها الراجل بتقتل الشعور دة عندها زى
- فى بداية التعارف يفضل يهتم و يقول كلام حلو لكن ميصرحش بطبيعة مشاعره.
- أنه يكون بيتكلم فى تليفون أول ما يشوفها يوطى صوته.
- يكون بعلاقة مع صديقة و متكونش التعاملات قدام عينيها أو يخفى عنها تواصله معاها.
- أنه يقول بيحبها لكن فى نفس الوقت تصرفاته فيها أهمال و لامبالاة.
- أنه يقولها كلمة و يعمل عكسها بعد كدة.
- أنه يكدب عليها (هتتكشف يعنى هتتكشف - الأنثى عندها مناخير كلب بوليسى للكدب.
(أو غيره من التصرفات
و مع الأفعال دى و أن الأحتياج دة لا يتم أِشباعه بالتعامل السليم من الراجل
هتبداء تتجن و تتصرف تصرفات هيبداء الراجل يتخنق منها زى
- الغيره الشديدة كل لما يتكلم مع أى واحدة حتى لو فى حدود العادى.
- هتبداء تتخانق معاه على التفاهات.
- ممكن كمان أنها تبداء تراقبه.
- هتبداء تطالبه بكلام حلو أو افعال تدل على الحب بزياده.
كلها تصرفات بتحاول منها تدور على أحساس الأمان و تشبعه جواها
برغم أنه لو تعامل من الأول معاها بوضوح مكنش حصل كل دة و علاقتهم كانت هتمشى بسلاسة أكتر.
على فكرة (الوضوح و الكلام الصريح المباشر) دى حاجة فى طبيعة الراجل و مش صعب عليه.
كل اللى بتحتاجة الأنثى الصراحة و الوضوح فى المشاعر و الأفعال.
لن ننكر أنها أحياناً بتحتاج اللى يجاملها و ميقولش الحقيقة كاملة فى بعض الأحيان
أحنا لو فهمنا بعض هنعرف نتعامل مع بعض.
لو فهمنا أحتياج بعض و قدرنا الأحتياجات دى و أتعاملنا معاها مكنتش كل يوم علاقة تموت.
أفهموا بعض و أتعاملوا صح
