أهم حاجة عند البنت هى الأمان
كل البنات بتحلم تتجوز واحد زى طارق فى مسلسل أبو العروسة
لكن الواقع أنها تحب ترتبط بواحد جامد ناشف يطلع عينها زى أحمد العوضى ?
الحلم حاجة .. و الواقع اللى بنختاره حاجات تانية كتير ?
لأن الأنثى عايزة تحس بالحب و الأهتمام و الأولوية بشكل مبهر
و خصوصاً تصوير الأعلام و السوشيال ميديا لفترة كبيرة أن الحب
البالونات و أنى أنزل على ركبى أنظف لك جزمتك
و أشيلك يوم الفرح و ألف بيكى
و يوم جوازنا يعيط بالدموع أن آخيراً أتجوزك
فى ظل الأحلام الوردية اللى بيمثلها طارق الرومانسى.
يجى أحمد العوضى بشخصيتة اللى بدل على القوة و السيطرة و الرجولة المفرطة.
تخطف أغلب البنات و بتبهرها.
(لسبب بسيط جدا لأنه بيلمس أهم حاجة عند البنت و هى (الأمان
مظهره الخشن و صوته الرجولى و سلوكيات بدل على القوة.
دة بيخلى البنت تنبهر جدا و تنجذب لأن دة بيحسسها أن الراجل القوى الخشن دة
يقدر يحميها و يحافظ عليها و يقدر يخوض معارك و يكون صاحب قرار
و المعارك و الأمان (مش مجرد خناقة مع حماتى) لكن أمان أن
اللى هيجى يمس حبيبتى هقطعة و قادر أكون راجل مغوار وسط الرجالة.
فى المقابل طارق ببلوناته بشخصيته الرقيقة الحنينه اوووووووووى المتفهمة جدااااااااا
حلوة بس مبتديش نفس وقع شخصية أحمد العوضى
محدش يقولى دة مسلسل و ممثلين و تمثيل عشان أنا عارفة 
أنا هنا واخدة مثال لشكلين من الشخصيات الذكورية
طيب تفتكروا الأنثى عايزة أية شخصية زى طارق و لا شخصية أحمد العوضى
و لا عايزة الأتنين مضروبين فى خلاط
