كيفية تحديد مصير علاقة عاطفية مستمرة لسنين؟
ليلى طاهر فى فيلم (عاشت للحب)
بتقول لأختها زبيدة ثروت أنها رايحة تقابل حبيبها و النهاردة آخر يوم
لأن بقالهم شهرين عارفيين بعض ورايحه النهاردة تقوله يا نبعد يا تخطبنى
وقالت له ده و راح أتقدم لها فعلاً
الجميل فى الكلام دة أنها محددة لنفسها وقت و فرصة للى قدامها أنه يكون جاد معاها و لالا
و عارفة أن هدفها من العلاقة الجواز مش مجرد علاقة عاطفية بلا هدف
هى هدفها الجواز من حد أرتاحت معاه و فى صفات مناسبة ليها
فى المقابل أختها زبيدة ثروت كان هدفها أنها تعيش علاقة حب و مش فارق معاها جواز
على الأقل فى بداية العلاقة و طبعاً نهاية علاقتها أن حبيبها أستغلها و سابها فى الآخر
( هما أة رجعوا لبعض آخر الفيلم) بس أتعرضت لظلم و صدمة منه
(و حبيبها دة عاوز مقال لوحده لأن الكلام على حالته مهم جدا جدا جدا )
فى بنات بتقعد سنين فى علاقة مش عارفة مصير العلاقة أية
الموضوع مش أن حد فيهم صح أو غلط على أد لازم تحددى هدفك
لو هدفك علاقة رسمية متسبيش الوقت مفتوح لأن هتلاقى سنة بتجرى ورا سنة
لو هدفك مش الجواز و مجرد علاقة عاطفية خلى بالك هيجى وقت و غصباً عنك هتفكرى فى الجواز
لأن القرب الزايد بيفرض عليكى أحاسيس لا تشبع الا بالجواز أو بالتجاوز
أنا عارفة اللى هيطبق ( طريقة ليلى طاهر : هتكون شخصية عقلانية قادرة أنها تتحكم فى مشاعرها)
و اللى عندها تفكير ( زبيدة ثروت هى شخصية رومانسية و العاطفة بتغلب عليها)
بس فى الأول و فى الآخر حاولى تكونى من الأول واضحة مع نفسك و محددة هدفك فى العلاقة
و بعد أد أية تبدئى تنسحبى لو هدفك أنتى و الطرف الآخر مختلف
و لو أنتى فى علاقة كمان معترفش فيها بحقيقة مشاعره من الأساس
لازم بعد وقت أنتى تحدديه لو مصرحش بحقيقة مشاعره يبقى دة وقت الرحيل
عشان مضيعيش مشاعرك و وقتك و مجهودك و تستنزفى مشاعرك
على علاقة مش هتثمر و شخص هيكون زى الأرض البور.
حلو أننا نكون عاطفيين و رومانسيين بس أحياناً لما مبيبقاش مع الرومانسية و العاطفة دى
شوية تفكير منطقى و عقل بضر عاطفتك و بضر قلبك
خليكى واضحة مع نفسك قبل ما تكونى واضحة مع غيرك و شوية عقل مش هيضروا
#نور_البكري
#جرعة_من_جرعات_نور
#للأنوثة_وعلاج_العلاقات
