هل علاقة زواج الأب والأم تؤثر على نجاح زواجك؟
" البنت اللى من بيت فى الأب و الأم أسوياء لازم تتجوز جوازة تسعد قلبها "
ده كان أعتقادى طول الوقت لحد ما قابلت ناس كتير فى الجلسات
جوازتهم بشعة برغم أن الأب و الأم علاقاتهم سويه جداً و بيعاملوهم كويس
و تربيتهم كانت مفهاش أى مشكلة!
و ساعتها عرفت أن الأب و الأم بيأثروا فينا فعلاً بشكل كبير وأهلنا كمان
بس ربنا دائماً عدل و سايب حياتك فى أيدك فى أى وقت تقدر تختار شريك حياتك و تتعامل معاه أزاى
تقدر تعدل مسارك فى أى وقت و فى أى لحظة فى الحياة
مقدرش أنكر أن الموضوع مش هيكون سهل أنك تقاومى كل التعب اللى جواكى
و هتشتغلى على نفسك كتير بس أعرفى أن ربنا شايف سعيك و هيعوضك خير
لو لقيتى كل العلاقات اللى حواليكى مدمرة و أولهم علاقة ماما و بابا و صحباتك
أعرفى العيب مش فى العلاقات و لا فى أى حاجة غير الناس اللى جوا العلاقة
طيب أنا مش لوحدى فى العلاقة فى شخص معايا ممكن يدمرهالى 
هنا هنيجى لمبداء الجواز زى البطيخة
و دة حقيقى هو زى البطيخة فعلا يا الشخص يطلع كويس او لا
و هنا بقى بسهولة هقدر أقولك المبداء دة زيه زى أى حاجة فى الحياة
لو فكرتى هتلاقى أن أى حاجة فى أى لحظة ممكن تتغير
اللى بصحته ممكن يمرض .. الغنى عادى أنه يفتقر .. اللى فى أمان ممكن تتحول حياته لخوف
والشخص اللى هنتجوزه بردوا ممكن يتحول و يبقى مش كويس
طيب و العمل مفيش أمان كدة
الأمان هو الله مفيش حاجة فى الحياة بتنزل لك كرزق و نازل معاها شهادة ضمان
أعملى كل كل اللى عليكى عشان تبقى زوجة هايلة و أدعى دائماً ربنا ينعم عليكى
بالمودة و الرحمه و السكن و أستودعى قلبك و علاقتك عند الله
و أعرفى أن أسوء الأمور لو علاقتك فشلت و الله ربنا هيبدلك خسارتك بخير كبييير
و علاقة أفضل كمان لو أنتى مؤمنه بى و بتثقى فى
معرفش حد وثق فى ربنا بجد و ضيعه المشكلة أننا فقدنا الايمان بربنا
و بقينا بنعبد واقع الناس و مصدقينه أكتر ما أحنا مصدقين ربنا
بأختصار مفيش دليل على فشلك و لا نجاحك ..
لكن خدى بكل أسباب النجاح فى علاقتك و أؤمنى بأن ربنا هيحفظ لك قلبك
و هيخليكى تجنى ثمار زرعك فى العلاقة دى
أستودعى قلبك عند الذى لا تضيع ودائعه 
#نور_البكري
#جرعة_من_جرعات_نور
#للأنوثة_وعلاج_العلاقات
