قاعدتين لازم نعرفهم لما ننفصل عن اللى بنحبه
قاعدتين لازم نعرفهم لما ننفصل عن اللى بنحبهم :
القاعدة الأولى : مفيش شخص سئ
مش عيب أبداً أننا ننفصل عن شخص أو شخص ينفصل عنا، دة معناه بس أننا مش مناسبين أننا نكون فى علاقة عاطفية مع بعض، مش أن حد فينا سئ.
القاعدة التانية : بلاش تحايل
بلاش الأنسحاب بالتحايل، يعنى عايز تنفصل عن الشخص بلاش قصة (أصل أنا مشغول الأيام دى مش عارف أتكلم - أصل أنا بشتغل - أصل مبقاش ليا طقطان على الكلام زى الأول) الأنسحاب بالطريقة دى بيتعب اللى قدامك ليس ألا.
عايز تنسحب أقعد مع الشخص و قوله أنا مش هقدر أكمل لأننا غير مناسبين.
لأنك بكدة بتحترمه و بتقدر مشاعره أما الطريقة التانية فيها تلاعب بمشاعر الآخر و بتتعبه و بتحسسه أنه قليل.
عادى أننا ننفصل فى العلاقة فى أى وقت لكن المش عادى أننا نتعامل مع مشاعر الآخر بتهاون.
لأن الأنفصال يا يحسس الشخص اللى اتساب بالرفض و قلة التقدير و عدم الأحترام يا يحسسه أنها تجربة كانت مع حد محترم و راقى و كل الفكرة انهم مش مناسبين ليس الا.
نركز في النقطة دى لأن فى ناس كرهت الأرتباط أو الجنس الآخر بسببها.
نقطتين مفيش أبسط منهم لكن شعورياً و نفسياً آثرها عظيم.
#جرعة_من_جرعات_نور
#للأنوثة_وعلاج_العلاقات
