خمس علامات تدل على أنك فى علاقة مؤذية عاطفياً
خمس علامات تدل على أنك فى علاقة مؤذية عاطفياً
Emotional abuse
مصطلح بيستخدم للدلالة على علاقة مع شخص بيشعر الآخر بعدم الأمان
و عدم الأستقرار و بتكون العلاقة مليانة بالتوتر و الخوف و الآذى فيها ممكن ميكونش جسدى و لكنه عاطفى.
من علامات أن العلاقة مؤذية عاطفياً:
1- التحكم و السيطرة
أنك تكون مع شخص بيحاول يجبرك أنك تعيش و تعمل كل ما يرضى و يسعد الطرف الآخر دون النظر لرغبتك.
و مش المقصود هنا فى التعامل فى العلاقة بمعنى :
يعنى عادى جداً تطلب من الطرف الآخر يعاملك بطريقة تكون مريحة ليك أكتر.
مثال : حبيبى ممكن لما تتأخر تكلمنى تقولى أنك هتتأخر عشان بقلق عليك.
هنا دة مش تحكم و لا سيطرة بل طلب لتعامل بيكون مريح أكتر
لكن التحكم و السيطرة محاولة أجبار شخص يكون نسخة بتفكر و بتتكلم و بتتعامل بشكل بعينه حتى لو دى حاجة مش بتأذيك
مثال : أنت بتروح لأهلك كتير و بتكلم معاهم كتير يا ريت تقلل الكلام شوية معاهم.
صحابك دول مش بحبهم متكلمهمش تانى.
مفيش نزول خالص من البيت.
بتبقى أوامر من أجل السيطرة على الآخر و لتملكه و التحكم فى حياته.
2- التقليل من الآخر
السخرية المستمرة من أفعال الآخر و محاولة التقليل من أفعاله و منه كمان أمام الآخرين
مثال : انتى غبية و فاشلة.
أنتى مبتعرفيش تعملى حاجة.
انتى على طول كدة مبتعرفيش تتصرفى و لا تردى.
أية القرف دة اللى انت لابسه ما تروح تلبس حاجة كويسة.
3- التجاهل
تجاهل مشاعر الآخر و عدم الأهتمام بأحتياجاته.
مثال: ترنى كذا مرة ميردش و يشوف رسائلك و ميردش بالأيام عشان عملتى حاجة ضيقت الشخص.
لما تحكى على حاجة مضيقاك الطرف الآخر يشوفها أنها تفاهه و حاجات متزعلش و أنت اللى أوفر.
لما تطلبى من الشخص أحتياج عاطفى معين يبداء يشوفك أنك أوفر فى احتياجاتك و طلباتك.
4- الأتهام و اللوم
عدم االأعتذار أبداً عن خطاء أو شئ جارح لأن دائماً الشخص بيعتقد أن هو دائماً على حق.
و أن فعلهم كان رد فعل لحاجة غلط الطرف الآخر عملها.
مثال: أنا شتمتك و ضربتك لأنك مستفزة و بتعصبينى.
أنا كلمتك كدة قدام الناس هزار يعنى عادى انتى اللى نكدية و بتحبى الغم.
أنا قفلت فى وشك عشان كلامك غبى و مش بتفهمى.
5- الأبتزاز العاطفى
يا تعمل الشخص عايزة يا تبقى وحش أو تتعرض لعقاب.
مثال : لو معملتش اللى عيزاه مش هتلقينى فى البيت.
لو مبعتيش دهبك عشان يبقى مبتحبنيش و يبداء الشخص بالخصام و البعد.
أحسب علاقتك فيها كام علامة من الـ5 عشان تعرف انت فى علاقة مؤذية و لالا.
العلاقة المؤذية عاطفياً مش شرط فى العلاقة الزوجية ممكن تكون مع الأهل أو الأصدقاءأو غيره....
هنزل ان شاء الله كيفية التعامل فى حالة أن العلاقة مؤذية.
#جرعة_من_جرعات_نور
#للأنوثة_وعلاج_العلاقات
