عايز تتجوز على زوجتك لازم الأول تقراء المقال دة
عايز تتجوز على زوجتك لازم الأول تقراء المقال دة
الرجل قبل ما يفكر يتجوز على زوجته.
لازم يفكر فى حاجة مهمة جدا.
هل من الأساس فى عدل مع زوجته الواحدة الأولى و بعد كدة التفكير بزوجة تانية أو حتى 4 و يحاول يعدل بينهم ؟
البحث عن زوجة جديدة معناه البحث عن مسؤولية جديدة و يكون زوج قائم بدوره
و متحمل المسؤولية على أكمل وجه و مكفي زوجته عاطفياً و جسدياً و مادياً و فكرياً.
لكن معظم اللى بيفكر فى الزواج من زوجة ثانية حالياً لا مكفى زوجته عاطفياً و لا جسدياً و لا حتى مادياً و بيفكر يتجوز عليها.
قبل ما الرجل يفكر فى زوجة ثانية لازم يفكر فى التالى
هل بصرف على زوجتى و مكفيها مادياً هى و الأولاد ؟
هل بهتم بزوجتى و مكفى أحتياجاتها العاطفية من كلام حلو و لمسة حنينة و تقدير لمجهودها ؟
هل بوفر وقت لزوجتى أتحاور معاها و نقضى وقت حقيقى ممتع مع بعض ؟
هل زوجتى سعيدة معايا فى العلاقة الحميمية و لالا ؟
لما زوجتى بتحتاج مساعدتى فى أى مشكلة أو مشوار بتواجد من أجلها و لالا هى و الأولاد؟
و غيره من الأسئلة اللى لازم يقيم فيها دوره كرجل مع زوجته و أولاده فى بيته.
و بعد كدة هيسأل نفسه لو تزوجت من آخرى هل كدة دورى مع زوجتى الأولى هيتأثر ؟
و هل هقدر أكفيها و أكفى الزوجة الجديدة ؟
و لازواجى هيظلم زوجتى الأولى أو الثانية؟
و دة اللى ربنا سبحانه و تعالى قاله فى سورة النساء (فَانكِحُوا مَا طَابَ لَكُم مِّنَ النِّسَاءِ مَثْنَىٰ وَثُلَاثَ وَرُبَاعَ ۖ فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ۚ ذَٰلِكَ أَدْنَىٰ أَلَّا تَعُولُوا (3))
و لكن للآسف كتير من اللى عايزين يتزوجوا مش بيفكروا غير فى جزء مثنى و ثلاث و رباع.
لكن بينسوا جزء العدل.
و عشان يكون فى عدل ما بين زوجتين يستوجب فى البداية يكون فى عدل مع الزوجة الأولى.
أن الرجل يتزوج و يجمع أكثر من أنثى هو مش مجرد تجميع كولكشن تحف أو عربيات.
دى علاقة محتاجة وقت و مجهود كبير جدا و لو المجهود و الوقت دة أتعمل من البداية مع الزوجة الأولى خصوصاً لو هى انسانه كويسة كانت هتبقى علاقة سعيد جدا و مش هيكون فى الوقت حتى التفكر فى علاقة آخرى.
فقبل التفكير فى الزواج من زوجة تانية التفكير أن الرجل يقوم بدوره مع الأولى و يوافى حقوق زوجته الاولى بالفعل
و لا يظلمها و بعد كدة يفكر و يقدر هيقدر يعدل و لالا.
#جرعة_من_جرعات_نور
#للأنوثة_وعلاج_العلاقات
