للحياة أطعمة كتير أكسر خوفك وتذوق طعم جديد
كل مرة بروح أخاف أختار حاجة غير اللى أخدتها قبل كدة تطلع مش حلوة.
و أفضل وقفه محتارة أجازف بقطعة مجربتهاش قبل كدة و لا أختار زى اللى عجبتنى المرة اللى فاتت.
بفضل محتارة كتييييير لكن بحب أجرب نوع جديد
و بكتشف أطعمة بيطلع طعمها تحفة و بتعجبنى أكثر من اللى جربتهم قبل كدة.
و عمرى ما كنت هكتشف الأطعمة الحلوة دى غير لما أكون جربت و جازفت و مريت بخسارة أن يقابلنى أطعمة مش حلوة.
و حسيت أن أحنا ساعات بنضيع حاجات عظيمة بسبب خايفين نجرب و نطلع برا دائرة الأمان بتاعتنا و بسبب الخوف من الخسارة كمان.
.
_بنخاف نغير وظيفتنا فنفشل.
_بنرضى بعلاقة مش مرتاحين فيها و ممكن كمان بتأذينا لمجرد خايفين نكون لوحدنا أو منقابلش شخص أفضل.
_بنخاف نغير أسلوب حياتنا حتى لو بيأذينا لمجرد خايفيين من التغيير.
_بنخاف نصاحب ناس جديدة و نفضل مع صحاب مش شبهنا عشان خايفين من اللى منعرفهمش.
دائماً خايفين اللى جاى يكون أسوء برغم أن عمرنا ما هنكتشف و نعرف الأفضل غير لما نمر بتجارب كتير و ما بينها تجارب سلبية.
فبنرضى بأقل حاجة و اللى مش مريح لنا أو حتى بيأذينا لمجرد الخوف من المجهول.
للحياة أطعمة كتير اوى لو فى طعم مش عجبك أكسر خوفك و تذوق طعم جديد يمكن تجد طعمك المفضل لو بعد حين.
#جرعة_من_جرعات_نور
#للأنوثة_وعلاج_العلاقات
