أنت أنتغيرت على فكرة
لما حد يقولك (أنت أنتغيرت على فكرة).
فى الغالب أننا نتغير دة مش عيب لأننا لو متغيرناش دة معناه أننا مش أحياء.
بتتغير يعنى بتطور و بترتقى.
أو بتتغير يعنى أتوجعت و أتحولت لشخصية حادة بتفكر فى نفسها فى المقام الأول عشان تحمى نفسها.
دة مش معناه فى كل الحالات أنك بقيت وحش.
دة معناه أنك بتحاول تتأقلم و تتكيف مع الحياة و الظروف و المواقف.
طيب حلو أنى أطور بس فى حالة أنى أكون شخصية حادة دة مش حلو !!!!!
دة حقيقى جداً عشان كدة فى اللحظة اللى بتقرأ فيها لو أكتشفت أنك أتغيرت للأسوء.
متلومش نفسك دة كان حماية لنفسك.
بس أبدء فكر أزاى أحمى نفسى من غير ما أكون أسوء؟
و أنا بحمى نفسى من أية ؟
و أزاى أحمى نفسى من غير ما يكون سلوكى أو أسلوبى أسوء؟
و لو الحاجة اللى بحمى نفسى منها لو حصلت أتصرف أزاى؟
فى الغالب مجرد الإجابة على الأسئلة دى لقيت علاج.
و لو مش عارف تجاوب أستعين بربنا و توكل عليه و هتلاقى كتب أو كورسات
أو حتى ناس هيظهروا فى طريقك هينوروا ليك الطريق.
حقك تتغير عشان تحمى نفسك بس أتغير و أحمى نفسك بشكل ميضركش و لا يضر غيرك
فى الأول و فى الآخر عشان أنت تستاهل تكون أحسن و تتغير للأفضل.
#جرعة_من_جرعات_نور
#للأنوثة_وعلاج_العلاقات
