الرسائل الربانية فى العلاقات العاطفية
الرسائل الربانية فى العلاقات العاطفية.
معظمنا بيمر بتجارب و بنفشل و بنحس بالجرح و الخذلان.
تعرفوا أن الآلم ممكن يكون رسالة ربانية
على سبيل المثال:
أنى بمر بكذا تجربة عاطفية و بفشل و بتوجِع دة معناه فى رسالة من ربنا كل مرة بتيجى على هيئة علاقة و لازم اقرأ الرسالة عشان أطور و أرتقى و أكون فى علاقة عاطفية سليمة و مع ذلك مش بقراها عشان كدة بتتكرر.
معنى أن زوجى بحاول أصلح علاقتى معاه و كل مرة بفشل دة مش معناه أحس باليأس و لكن أبداء البحث الغلط اللى بعمله أية ؟ و أية القرار المناسب ليا ؟
و على فكرة الغلط اللى بتعمليه مش شرط يكون حاجة وحشة، الغلط دة ممكن يكون حاجة كويسة بزيادة فبتفقدى التوازن زى (الأهتمام بزيادة أو العطاء بزيادة أو اللين بزيادة أو عدم وضع حدود....)
فكل مرة بيجى الآلم و الوجع رسالة ليكى و يقولك خلى بالك عدلى الحاجة الغلط اللى بتعمليها.
كل لما تفشلى خليكى رحيمة بنفسك و أقفى جنبها و براحه شوفى أية الغلط فى حال لو أتصلح هتبقى علاقتك أحسن.
و حاولى مرة و اتنين و ١٠٠ لحد ما توصلى للأنتى عايزاه متيأسيش من نفسك زى ما ربنا مش بييأس مننا و بيفضل جنبنا و يبعت لنا فى رسائل.
ربنا رؤوف رحيم بينا هيبعت رسائل حاولى تقريها و كل لما أستعنتى بحكمته و قدرته كل لما عرفتى الرسالة بتقول أية و فهمتى و صلحتى و وصلتى للأنتى عيزاه.
أقرى الرسائل الربانية هى اللى هتفيدك فى حياتك العاطفية.
#جرعة_من_جرعات_نور
#للأنوثة_وعلاج_العلاقات
