عدم حب شخص لك
عدم حب شخص لك حتى لو أقرب الناس لك مش دليل على أنك مش كفاية أو لا تستحق الحب.
الموضوع مش متعلق بيك دائماً و مش شخصى له أحتمالات كتير بعيدة عنك :
- ممكن الشخص مش قادر يحب و دة بنشوفه فى أمهات حتى و آباء بيرموا أولادهم و بيتخلوا عنهم أو حتى بين الأزواج طرف قائم بدوره فى العلاقة محترم و لطيف و مع ذلك الزوج بيتعامل بعدم حب و لا يشعر بالحب الحقيقى لأن الأشخاص نفسها عندها مشكلة بداخلها مع الحب.
- ممكن أنك أنت فيك صفات غير مناسبة للآخر ( و الموضوع ليس له علاقة بأن الصفات إيجابية و سلبية) و الدليل ياما ناس حبت ناس مجرمة أو فاسدة و كرهت ناس أفاضل.
الموضوع كل ميول و كل واحد بيختار على حسب نفسيته و الفكر الخاص به و التجارب اللى مر بيها.
- ممكن الشخص اللى مش حاسس بحبه لك يكون مش قادر يستقبل الحب لأنه بينظر لنفسه أنه لا يستحق الحب.
فى ممكن كتير أوى و كلها بعيدة عن أنك شخص لا يستحق الحب أو مش كفاية.
الفكرة كلها أنك أتعودت تتبنى نظرتك عن نفسك من آراء الآخرين عنك.
أنت كفاية و تستحق الحب بس أنتظرت الحب من الشخص اللى مش هيقدر يقدمهولك ليس إلا.
ربنا كرمك .. كإنسان سواء بحب شخص أو دونه...
إذاً أنت تستحق .. أنت كفاية سواء بيحبوك أو لا <3
#جرعة_من_جرعات_نور
#للأنوثة_وعلاج_العلاقات
