الرزق مش رزقك لوحدك
الرزق مش رزقك لوحدك.
لما بتاخد رزقك من الفلوس مش بتكون ليك لوحدك لكن فى ناس تانية بتاخد رزقها من الرزق اللى أترزقت به.
لما بتاخد رزقك من العلم الناس اللى حواليك بينتفعوا منه.
لما بتاخد رزقك من الصحة الناس بتاخد منه خدمات.
لما بتاخد رزقك من اللسان الحلو و الكلمة الطيبة الناس بتاخد منه كلام يطبطب على قلوبها.
لما بتاخد رزقك من أنك تعمل فالناس بتاخد رزقها من المنتج أو الخدمة اللى بتقدمها.
لما بتاخد رزقك من أنك شاطر فى الطبخ فالناس بتاخد رزقها من طيب الطعام.
لما بتاخد رزقك من الإحساس فدة رزق ناس حواليك المشاعر ياخدوها منك.
لما بتاخد رزقك من أن يكون عندك سعه نفسيه دة رزق ناس هتحتويها.
و هكذا فأوعى تفتكر أن الرزق رزقك لوحدك لأنك لو بخلت و كنزت مجهودك أو علمك أو مهاراتك أو فلوسك هتصاب بالفقر مع الوقت لأن مش هيكون فى سريان فى الرزق.
الحاجة بتيجى عندك و تقف فهيحصل تكدس و مع الوقت مش هيجى جديد و لو لو حتى فى جديد مش هتقدر تنتفع به و مش هيكون فى بركة.
عشان كدة من رزقك تصدق بالفلوس و بالكلمة الطيبة و بمشاعرك و بعلمك و كل نعمه من نعم الله عليك تصدق منها و أشكر الله عليها.
لأن رزقك مش رزقك لوحدك و لو كدسته لك فقط مش هتقدر تنتفع به غير بالمحدود منه.
#جرعة_من_جرعات_نور
#للأنوثة_وعلاج_العلاقات
