8 علامات تعرفى بها أن شريك حياتك هيكون متعلق بيك بشكل غير صحى

8 علامات تعرفى بها أن شريك حياتك هيكون متعلق بيك بشكل غير صحى (clingy) أو (overly attached)  اللى بيطلق عليها بالعامية (لزقة - لزج - مدلوق - متعلق) 

1- ليس لديه أى رغبات خاصة المهم الآخر عايز أية و بيحب أية و نفسه فى أية ؟

و لو حاولت تسألهم هما يحبوا أية ؟ الإجابة اللى أنت تحبه أو أى حاجة.

2- تواصل مستمر عشان يعرف أنت فين و بتعمل أية و ليه و بتكلم مين و عايز يعرف كل التفاصيل اللى تخصه و اللى متخصهوش.

لأن دة بيحسسه بالأمان أكتر أنه عارف كل حاجة عنك و عن حياتك و أنه كمان ضمن حياتك حتى الجزء اللى مش بيخصه.

3- بيحسوا بعدم الراحه و الغيرة من الناس اللى انت قريب منهم و بتحبهم.

 و بيعتبرهم مصدر تهديد و ممكن توصل أنه يعتقد أن الناس اللى بتحبهم عايزين ياخدوك منه.

4- بيكرهوا جداً أن يكون ليك حياتك الخاصة أو تذهب لمكان أو حدث من غيرهم.

و بيغضبوا فى حال أنك بتستثنيهم من أى شئ حتى لو لا يخصهم نهائى و ممكن مش هيعبروا عن غضبهم بشكل مباشر و لكن هيغيروا طريقتهم معاك.

5- مفيش حياة خاصة بهم أو أهتمامات و حتى  أصدقاءهم و عائلتهم بيتم إهمالها فى المقابل مزيد و مزيد من الوقت معاك.

6- لا يعبروا عن رأيهم الخاص خوفاً من أنه يتعارض مع رأيك هما بيعتقدوا كدة هتكونوا مناسبين أكتر و منسجمين أكتر و من داخلهم هما بيشعروا أنهم مش كفاية و بيشعروا بالقلة فبيحاولوا يكونوا جيدين من خلال إرضاء الآخر.

7- بيعتمدوا عليك دائماً أنك تحل لهم مشاكلهم أو تفكر لهم أو تدعمهم بأى شكل لأن بداخلهم بيفتقدوا الثقة بذاتهم و بيشعروا بالعجز و عدم الأمان و بيستمدوا دة منك.

8- و طبعاً مش هيسمح بسهولة أبداً أنك تنفصل عنه و دة أحد أكبر مخاوفه فى الحياة بتعبر جداً عن حالته أغنية وائل جسار (لمين هعيش. لمين هعيش .. بعدو هعيش انا ليك .. حتسوى ايه .. أيامي لو مش ليك .. و تسوى ايه .. احلامي لو مش ليك .. لمين حعيش)

طبعاً فى ناس هترجم كل ما سبق على أنه حب و أهتمام و لكن دة غير صحيح الحب و الأهتمام بيختلفوا عن التعلق و التوحد مع الآخر و ألأنقضاض على مساحة الآخر الشخصية.

طيب ليه الشخص ممكن يكون Clingy ؟

فى عدة أسباب  بيبدأ يتوازن  :

1- الخوف من الهجر و التعرض لصدمة تخلى أو فقد.

2- التعامل معه بتجاهل و أهمال فى الطفولة.

3- مش قادر يتعامل مع مشاعره و مع آلامه فبيبدأ يركز على الآخر أكتر هروباً من ما بداخله.

4- الشعور بعدم تقدير الذات و القلة.

5- أحتياج عاطفى شديد.

6- الشعور بالعجز و قلة الحيلة و عدم الأمان.

7- بداخلهم أعتقاد أنهم صعب يجذبوا شخص آخر جيد.

الشخص Clingy  بيحتاج فى التعامل :

1- حدود قوية جداً و واضحة و حزم فى تطبيقها لأن غير كدة هيدوب تواجده فى وجودك.

2- التشجيع على أنه يكون له حياته الخاصة المنفصلة عن حياتك.

3- التشجيع على عمل أنشطة منفصلة تماماً و أنه ينبسط بها بدونك.

4- تشجيعه أنه يكون أكتر فى القيادة بدون نقد و لكن بتحفيزه.

و قد يستجيب أو لا لتعاملاتك على مدى أستعداده لتخطى خوفه و أستعادة ثقته بنفسه و أنه يشبع أحتياجاته بشكل متوازن.

هل قابلت شخص Clingy  و أتعاملت معاه أزاى ؟

#جرعة_من_جرعات_نور 

#للأنوثة_وعلاج_العلاقات