7 حاجات تتعامل بيهم مع نفسك لما تكون بتعمل ذنب أو عادة سلبية أو غلط
7 حاجات تتعامل بيهم مع نفسك لما تكون بتعمل ذنب أو عادة سلبية أو غلط :
1- أهم حاجة فى الدنيا كلها فى التعامل مع نفسك (إياك و الكبر)
يعنى لما تكون بتعمل غلط أعترف به حتى لو مع نفسك فقط لكن هتكابر عشان تراضى نفسك دة معناه أول الطريق لغلطات أكبر و أكتر.
2- لا للمبررات
مهما كان الغلط (أصل بابا السبب - أصل لو أتعامل بطريقة تانية مكنتش عملت كدة - أصل المدير - أصل البلد - أصل الكون).
كل دى مبررات تجمعها كدة و ترميها فى أقرب صندوق ?
لأن غلطك مازال غلطك اللى هيأثر على حياتك و هتتحاسب عليه.
3- لا تفتح باب لسكة اللى يروح مش بيرجع
أنا غلطت سرقت أو شتمت أو أتعصبت و بهدلت الدنيا أو أى ذنب بتعتقد أنك كنت فى يوم من الأيام لا يمكن تعمله فمش مشكلة بقى جت على الغلطات و الذنوب التانية أنا كدة كدة ضايع ضايع.
دى أفكار هدامة بتكون زى الباب اللى هيدخلك مستنقع من الغلطات أنت حتى مش عايز تعملها و لا كانت فى دماغك.
لكن أنت إنسان غلطت فتمام أنا عندى الغلط دة بس مش معناه أنى وحش بس محتاج أصلحه بدل ما أفتح على نفسى أبواب كتير هتصعب عليا أنى أصلح كل الغلطات دى بعد ما كانت غلط واحد و أرجع لطريق الصح.
4- كتر من السلوكيات الإيجابية
فى ناس بتشوف بدل عملت غلط يبقى أنا منافق فهبطل صلاة أو أزاى بكون بعمل الغلط دة و أنا بدعى ربنا أو بساعد الناس أو غيره.
و دة طبعاً مش سليم بتعمل حاجة صح كمل عليها و أتمسك بها جداً و تذكر دائماً (الحسنات يذهبن السيئات) أفتكرها دائماً و كتر من الحسنات.
5- نيه الإصلاح
خد نيه من قلبك أوى أنك هتوقف الغلط دة حتى لو لسه مش عارف أزاى أو أمتى.
6- الإستعانة بالله
أستعين بالله من قلبك و كلمه و قوله أنك مش قادر و ضعيف و مش عارف توقف الغلط دة و أن لا حول و لا قوة إلا بالله و يدبر لك أنك تمشى على الصراط المستقيم و هدى الله.
7- التعلم
لو فى كتب أو مقالات أو دورات أو فيديوهات أبداء أتعلم أزاى ممكن توقف الغلط دة و أية عواقب الأستمرار فيه و أيجابيات التخلص منه.
إية الدوافع من أنك بتعمله و أزاى تفهم الدافع و تعالجه و تتعامل معاه عشان تقدر توقفه.
8- لا تيأس
و مهما أتأخر أستمرارك فى الغلط أوعى تيأس من الخطوات السابقة أو توقفها لحد ما هيجى اليوم هتجنى ثمار صبرك على نفسك و تعاملك السليم فى أوقات ضعفك و وقوعك.
و أعرف كلنا بنغلط و كلنا بنقع و اللى يفرق بنتعامل أزاى مع وقوعنا و بنقوم تانى و لالا
#جرعة_من_جرعات_نور
#للأنوثة_وعلاج_العلاقات
