شعور الوحدة قاتل كأنك بتدخن 15 سيجارة في اليوم
شعور الوحدة قاتل كأنك بدخن بالظبط 15 سيجارة في اليوم!
الأبحاث وجدت إن الأشخاص اللي بتشعر بالوحدة، بيعانوا من نقص المناعة وبالتالي بيصابوا بأمراض أكتر.
وبتزيد عندهم الألتهابات في الجسم، وبيكونوا عرضه أكتر لأمراض القلب والأمراض المزمنة.
تكاد تكون نفس تأثير التدخين على الصحة.
الوحدة مش بتأثر بس على الصحة النفسية والعقلية، لا كمان الجسدية.
طيب في حد هيقول الوحدة مش اختياري!
طيب الحقيقة هى مش اختيارك،
ولا أنت اللي بقيت خايف من الناس وآذاهم؟
ولا قررت دا عشان تريح نفسك من وجع القلب والخذلان؟
ولا عشان شعور الرفض من المحيط تملك منك فأعتزلت الناس عشان متترفضش؟
ولا خلاص استنزفت من التعامل مع التحديات والخلافات في العلاقات؟
الوحدة ممكن تتفرض علينا في مواقف أو مراحل،
لكن استمرارها معانا دا معناه اختيار وقرار بشكل غير واعي، بيحميك وبيخدمك.
لو قدرت تكتشفه وتحله، هتقدر تنفتح مرة تانية على الدخول في العلاقات.
وتكون علاقات حميمية تشعرك بالونس والود.
فكر في الأسباب اللي فاتت اللي دفعتك تبني أسوار حوالين نفسك وأبدأ كسرها.
عشان صحتك النفسية والعقلية والجسدية.
#جرعة_من_جرعات_نور
#للأنوثة_وعلاج_العلاقات
