علامات التي تدل على أنك في علاقة سامة
عمرك حسيت إنك بتضحي دايمًا بس مش بتحس بالتقدير؟ أو إنك دايمًا مضغوط وبتحاول ترضي الطرف التاني على حساب نفسك؟ العلاقات السامة ممكن تكون متخفية وبتستهلك طاقتك من غير ما تحس.
في جرعة نور، هنساعدك تتعرف على العلامات اللي بتدل إنك في علاقة سامة، عشان تعرف تاخد القرار الصح وتتخلص من أي علاقة بتأذيك، في السطور اللي جايه عن الشخصية السامة وصفاتها وتعمل ايه لو أنت في علاقة سامة، يلا نبدأ.
ما هي صفات الشخصية السامة؟
ازاي تعرف إنك بتتعامل مع شخصية توكسيك:
- التلاعب: الشخص السام دايمًا بيحاول يتلاعب بالناس اللي حواليه عشان يحقق مصلحته.
- ناقد: دايمًا ينتقد الناس اللي حواليه، ويخليهم يحسّوا إنهم مش كفاية وإن كل محاولاتهم مش ناجحة.
- النرجسية: هو مهتم بنفسه طول الوقت، وبيفكر في إشباع رغباته واحتياجاته بس، ومش بيهتم بمشاعر الآخرين.
- عدم التعاطف: صعب عليه إنه يحس بمشاعر الآخرين أو يفهمهم، وده بيخليه مش قادر يقدّم دعم عاطفي.
- التحكم: دايمًا عايز يتحكم في كل حاجة حواليه، ويفرض سيطرته على الناس والظروف.
- اللوم المستمر: دايمًا يلقي اللوم على الآخرين في كل مشكلة، ومش بيتحمّل مسؤولية أفعاله.
لماذا الاشخاص السامين جذابين جدا؟
الأشخاص السامين بيكونوا جذابين جدًا في الأول لأنهم بيعرفوا إزاي يظهروا أحسن صورة عن نفسهم لما يقابلوا حد جديد، ومن أبرز الأسباب:
- سحر البدايات: في الأول، الشخص السام بيبدأ العلاقة برومانسية مثالية زيادة عن اللزوم، بيكون كريم بالكلام الحلو والهدايا، وبيعمل جو مثالي يخلي الشخص التاني يحس إنه لقى الشريك اللي كان بيدور عليه.
- الاهتمام الزيادة: في بداية العلاقة، الشخص السام بيركز كل اهتمامه على الطرف التاني، وده بيخلق إحساس بالتقدير بيخليك تحس إنك شخص مميز جدًا.
- القدرة على فهم الناس: بيقدروا يفهموا احتياجات ورغبات الناس بسرعة، ويبدأوا يلبوها، وده بيخلي الطرف التاني يحس إنه لاقى الشريك اللي بيفهمه وبيفهم احتياجاته.
- التلاعب النفسي: بيعرفوا يتلاعبوا نفسيًا بطريقة ماهرة، بحيث يخلوك تعتمد عليهم عاطفيًا وتحس إنك متقدرش تستغنى عنهم.
- الوعد بالتغيير: الأشخاص السامين دايمًا يوعدوا الطرف التاني إنهم هيتغيروا أو إن الأمور هتبقى أحسن، وده بيخلي الشخص يتمسك بالعلاقة رغم إنه عارف إنها مش صحية.
الحاجات دي كلها بتخلي الأشخاص السامين يبانوا في الأول كأنهم الشركاء المثالين، قبل ما يظهروا على حقيقتهم ويبدأوا يظهروا سلوكهم السام بعد ما يتأكدوا إن الشخص التاني متعلق بيهم.
ماهي العلامات التي تدل على أنك في علاقة سامة؟
هل بتحس إن علاقتك مش مريحة؟ اكتشف معانا العلامات اللي بتقول إنك في علاقة سامة:
- شعور دائم بعدم السعادة: لو دايمًا بتحس بالحزن أو التعب بعد ما تقضي وقت مع شريكك، ده ممكن يكون علامة على وجود مشكلة في العلاقة.
- الإيذاء الجسدي أو اللفظي: لو بتتعرض في العلاقة لأذى نفسي أو ضرر بدني، ده دليل واضح على سمية العلاقة.
- التنافسية والغيرة المفرطة: لو شريكك دايمًا غيران أو مش راضي عن نجاحك، وده بيأثر على نفسيتك، ده برضو علامة على علاقة سامة.
- الرغبة في التحكم والسيطرة: لو شريكك عايز يتحكم في حياتك، وأصدقائك، أو قراراتك، وبيمنعك من ممارسة حياتك بشكل طبيعي، ده مؤشر على علاقة سامة.
- العزلة عن الأهل والأصدقاء: لو انت مجبر تقضي كل وقتك مع شريكك بعيد عن عيلتك وأصحابك، ده بيشير لسلوك سام وغير صحي.
ماذا تفعل عند اكتشافك أن علاقتك سامة؟
لو حسيت إنك في علاقة سامة، يبقى النصايح دي عشانك:
- التواصل مع الأصدقاء أو العائلة: ابحث عن شخص من أهل الثقة اللي ممكن يسمعك ويدعمك بدون حكم، ممكن يكون عندهم رؤية مختلفة لموقفك.
- كن صادق مع نفسك: فكر، إيه اللي ممكن يتغير فعلاً عشان الوضع يتحسن؟ اعترف لنفسك إنك عملت كل اللي تقدر عليه لتحسين الأمور.
- قيم مستويات سعادتك وثقتك بنفسك: قارن بين شعورك دلوقتي وشعورك قبل كده، هل ثقتك بنفسك زادت ولا نقصت؟
- حدد حدود صحية: اعمل حدود واضحة توضح للآخرين أنك تستحق المعاملة الجيدة.
- ركز على نفسك: بدل ما تلوم شريكك وتفقد طاقتك، حاول تستعيد طاقتك وتفكر في مستقبلك.
نصائح للتعافي من علاقة سامة
- لما تقرر تبتعد عن علاقة سامة، الموضوع مش سهل زي ما ممكن يتخيل البعض، لأن في تحديات كبيرة وجهود كبيرة لازم تبذلها عشان تقدر تخرج من العلاقة دي بسلام:
- هتحتاج تقطع جميع علاقاتك به تدريجيًا، وده معناه وضع حدود واضحة ومباشرة، اهتم بنفسك وحاول تشغل وقتك بحاجات تحبها وتخليك سعيد.
- اطلب دعم من أصدقائك وعائلتك، عشان يساعدوك في تخطي المرحلة الصعبة دي، وما تترددش في طلب المساعدة من استشاري متخصص إذا كنت محتاجها.
انضم إلى دورة جرعة شفاء - P.E.A.T Techniques Level 1 اللي هتساعدك تبدأ مشوار التعافي الحقيقي، وهتعلمك إزاي تتعامل مع مشاعرك وتحرر نفسك من آثار العلاقة السامة، عشان تعيش حياة أفضل
في النهاية، معرفة علامات التي تدل على أنك في علاقة سامة مش دايمًا سهلة، بس دي خطوة مهمة لتحسين حياتك العاطفية والنفسية، التحديات ممكن تكون كبيرة، لكن بفهمك للعلامات الصح واتخاذك للخطوات المناسبة، تقدر تبني حياة أفضل وصحية.
هتحتاج تكون صريح مع نفسك عن السبب اللي خلاك توصل للنقطة دي، هتواجه صعوبة في الابتعاد عنه لأنك بتكون متعلق عاطفيًا به أو عايش في خوف من المستقبل بدونه.
