طريقة معرفة الرجل الرافض للأرتباط في علاقة جادة

أعرف أزاى الراجل اللى مش عايز يرتبط و هيضيع وقتى ويستهلك مشاعرى عالفاضى ؟

فى نوعية من الرجالة عندهم

commitment issue

يعنى مشكلة أنهم يرتبطوا بحد

و دة بيكون لكذا سبب
 أنه أرتبط قبل كدة و أتجرح و قرر يقفل قلبه.
 أو أنه عنده مشكلة من الطفولة بسبب تعامل والديه فى العلاقة أو معاه.
 أو بسبب خوفه النابع من تجارب اللى حواليه.

الراجل دة هتعرفيه من العلامات دى

* شخص جذاب سهل ممتنع
قادر يجذب اللى حواليه بسهوله لأن مهارات التواصل مع الآخرين كويسه

و بيقدر يقرب منهم و مع ذلك مبيسمحش لحد يقرب منه أوى

*غامض و غير واضح
بيسيب جزء كبير من حياته الشخصية من غير ما يشاركك بى و بيديكى مساحة صغيرة أوى من حياته

يشاركك بيها لأنه مش عايز يحصل قريب شديد بينكوا.

* عمرك ما هتكونى أولوية عنده
هتلقيه دائماً مش مستعد أنه يغير حاجة من جدوله أو يتساهل أو حتى يجى على أى حاجة

من روتين حياته عشانك لأنه دائماً عايز يحطك فى قائمة الغير مهمة.

* بيركز على عيوبك
طول الوقت هيطلع فيكى عيوب عشان عايز يثبت لنفسه أن أنتى غير صالحة للدخول علاقة معاه.

*كل لما تقربوا عاطفياً كل لما هيبعد
هتلاقى فى عز ما أنتوا كويسين مع بعض يبداء يبعد أو يخترع مشاكل تعمل حاجز ما بينكوا.

* عدو للجواز و الأرتباط
هتلقيه دائماً بيتكلم أن الجواز مشروع أجتماعى فاشل و السنجلة جنتلة و الحب بهدلة

(و ممكن يلمح أنه مش عايز يرتبط (صدقيه لأنه كلام حقيقى نابع من قلبه

*متطلب سئ
هيبداء بعد فترة يطلب منك طلبات مرفوضة بالنسبة لك و يصر عليها زى

طلبات جنسية أو مادية) و لو رفضتيها يبداء يقلب عليكى)

* ثقة فى النفس وهمية 
برغم سحره و جاذبيته لكن هتلقيه من جواه و فى بعض التصرفات بتبان معندهوش ثقة فى نفسه و لا تقدير لذاته

* تاريخه العاطفى أسود
هتلاقى بقاله سنين طويييييييييييييييييلة مرتبطش أو يرتبط و يسيب على طول أو مقعدش وقت طويل فى علاقة.

لو الشخص اللى بيحاول يقرب منك أجتمع فى الصفات اللى فوق أهربى بعزم ما عندك
و متحاوليش معاه حتى لأن فى الغالب مش هيسمح لك تقربى لأنك كل لما تقربى

هيبعدك بأختلاق مشاكل أو أظهار عيوب فيكى

لأنه عايز يثبت دائماً أن الأرتباط حاجة مؤذية و وجع دماغ

لما تلاقى الشخص دة أهربى لأنه مش هيتغير غير لما ينوى هو أنه يتغير من جواه
متستنزفيش مشاعرك و طاقتك على الفاضى

جرعة نور - نور البكري