صفات الشخصية الاستغلالية
لما بتخلص شغلك وبتجهز نفسك عشان تمشي، بس المدير طلب منك أن تقعد شوية تخلص كام تقرير عشان صفقة مهمة، عد بقى كام موقف زي كده مريت بيه، كتير مش كده! تعرف بقى الناس دي كلها اشتركوا في صفة معينة، وهي صفة الاستغلال.
أيوه الناس دي كانت بشكل أو أخر من الشخصيات الاستغلالية، سواء كان مديرك أو صاحبك أو… إلى آخره هما شخصية استغلالية، حاولوا يستغلوا حبك أو طيبتك عشان تنفذ لهم حاجة هما عايزنها.
لو متعرفش مين هي الشخصية الاستغلالية أساسًا؟ وليه هما كده؟ إزاي تتعامل معاهم ؟ متقلقش هعرفك، ركز معايا في الكلمتين دول عشان محدش يستغلك من الشخصيات الاستغلالية دي.
مين هي الشخصية الاستغلالية؟
الشخصية الاستغلالية دي بنقولها على الناس اللي أهم حاجة بالنسبالها توصل للي هي عايزاه بغض النظر بقى هتعمل إيه عشان تنفذها، تكدب على حد أو توصله شعور مش حقيقي لمجرد بس توصل للي هي عايزاه.
يعني مديرك مش مهم بالنسباله تعبك والضغط اللي عليك، وإن ميعاد شغلك خلص، المهم عنده أن الشغل يخلص اه ده حقه، بس ممكن يخلص الزيادة من الشغل مع موظف تاني يخلص الشغل ده وأنت تمشي في ميعادك عادي، بس عشان يوفر فلوسه بيزود عليك أنت الشغل ده، قيس ده بقى على أي موقف زي كده في حياتك.
صفات الشخصية الاستغلالية:
الشخصية الاستغلالية أحيانا كتير مش بيكون من السهل أنك تعرفها، لأن أوقات كتيرة، هتبقي الشخصية الاستغلالية دي من الوسط المحيط اللي حواليك.
عشان كده الشخصية الاستغلالية بيميزها شوية صفات، مهم تاخد بالك منهم وأنت بتتعامل معاها عشان متستغلكش تاني وهما:
الأنانية: الشخص الاستغلالي هتلاقيه بيحب نفسه جداً وممكن يجي على اللي حواليه علشان بس يرتاح ويحقق رغباته هو بس.
الاستغلالية: الشخصية الاستغلالية بتستغل أي حد مش مهم بالنسبه لها، هو مين ولا ايه حجم علاقاتهم، المهم نفسي ثم نفسي.
الكدب: الشخصية الاستغلالية ممكن تكدب عشان تحقق هدفها، حتى لو هضطر توصل للشخص اللي بتستغله مشاعر مزيفة حب أو احترام مزيف في مقابل أنه ينفذ هدفه.
الطموح: أيوه الشخصية الاستغلالية طموحة جدا، وعندها خطط وأهداف عايزة تحققها، المشكلة هنا مش فالخطط والاهداف بالعكس دي حاجة كويسة جدا أن الإنسان يكون طموح ولكن المشكلة في الطريقة اللي بيستخدمها عشان يحقق الخطط والأهداف دي.
اقرأ ايضًا: كيفية تطبيق تقنيات PEAT فى تحرير المشاعر و الصدمات؟
أزاي تتعامل مع الشخصية الاستغلالية؟
أول ما تعرف أن الشخصية اللي بتتعامل معاها دي شخصية مستغلة، لازم تهدى كده عشان تعرف تتعامل معَها بشكل صح وتعمل بالكام نصيحة دول:
ما تقعدش تفكر كتير ليه الشخص ده كان شخصية مستغلة معاك ليه! بالعكس اشكر ربنا أنه عرفك حقيقة الشخصية دي، ومتخدعتش فيها وقت أطول من كده.
لما يجي يطلب منك حاجة اعتذرله: معلش مش فاضي، عندي ميعاد، مش قادر، لما يجي يتعصب منك ويعتذرلك خليك هادى، ووضحله أنه لازم يحترم وقتك، ومش كل ما هيعوزك هتكون متاح له.
بلاش تعيش دور الضحية كتير، خد رد فعل مع الشخصية دي، هتواجها ولا هتقلل تعاملك معاها، أو مش هيكون في تعامل تاني؟ احسم قرارك.
اتكلم مع الشخصية الاستغلالية بصراحة، وقولها أن تصرفها ده مش مقبول بالنسبالك.
خلي أي حد بيتعامل معاك يعرف حدودك الشخصية، وأن حدودك الشخصية مهمة لك ومش مقبول أن حد يتعدى الحدود معاك.
اطلب المساعدة لو عرفت أن الشخصية الاستغلالية مش من السهل أنك تتعامل معاه ومش هتقدر عليها لوحدك، قول لحد ومتخافش من اللي هيحصل.
اتعلم امتى تقول نعم أو لا؟ لأن من السهل دايماً أنك تبان كيوت ولذيذ، ومترفضش حاجة لحد وتكون محبوب هو ده على قد ما هو صح إلا إن هتلاقي ناس كتير بتستغلك عشان هما عارفين أنك مش هترفضلهم طلب، عشان كده مهم جدًا أنك تعرف تقول لا.
كمان متنساش إن مهم جدا وأنت بتتعامل مع الناس تعرف الشخصيات اللي حواليك عامله إزاي وعايزين منك أيه، لأن ده هيفرق معاك في علاقاتك معاهم وطريقة تعاملهم معاك، وعلى رأس الشخصيات دي الشخصية الاستغلالية، ولازم تفهم أسلوبهم كويس وطريقة تعاملهم، عشان متقعش فالفخ بتاعهم، و تحمي نفسك منهم.
ولو معندكش الخبرة في معرفة الشخصيات إنت تقدر تتعلمها بسهولة من موقعنا اللي بيوفر كورس جرعة شفاء، الكورس بيساعدك في معرفة الشخصيات وأزاي تتعامل معاها وتحمي نفسك منهم.
دورة جرعة شفاء مش لفهم الشخصيات لكن ممكن نربطها من إن ممكن تحمي نفسك من الشخصيات الاستغلالية بإن الشخص يعرف ليه الشخصيات دي بتنجذب له ويعالج دا من العمق
أسئلة شائعة
ما هي مخاطر الشخصية الاستغلالية؟
استنزاف الطاقة وانتهاك خصوصيتك وتشتيت معلوماتك الشخصية.
الشعور الدائم بالضغط النفسي والعاطفي.
مفيش تعويض مناسب لك مقابل الطاعات اللي بتقدمها.
ما هي سمات الشخصية الاستغلالية؟
مستغلة للآخرين دون الاهتمام بحقوقهم أو مصالحهم الشخصية.
تستخدم الكذب والخداع للوصول لأي هدف.
تضغط على مشاعر اللي قدامها وتستغلها لتحقيق غرضها.
تسعى دايمًا للاستفادة المادية على حساب أي فرد.
تهتم بمصلحتها فقط قبل أي شخص.
