التخلص من الأفكار السلبية
في حياتنا اليومية بتواجهنا كتير من الأفكار السلبية اللي بتأثر علينا وعلى يومنا وشغلنا، عشان كده مهم نعرف ليه بنتعرض للأفكار السلبية دى ونحدد سببها، إذا كانت بسبب الشغل أو الأهل أو شريك الحياة، وده بيخلينا نقدر نتعامل مع الأفكار السلبية دى بشكل سليم وننجح فى التخلص من الأفكار السلبية وتأثيرها فى حياتنا.
ولو أنت بتعاني من الأفكار السلبية بأسلوب مبالغ فى حياتك ومش قادر تتخلص منها، متقلقش وتعالى نعرف الخطوات اللي تقدر تطبقها بكل سهوله وتنجح فى التخلص من الأفكار السلبية ومتسبهاش تدمر حياتك.
ايه هي الأفكار السلبية ؟
الأفكار السلبية هي الأفكار المؤذية في عقلنا بسبب مشاعر سلبية ليها علاقة بالقلق، والتوتر، والحزن، وغالبًا الأفكار دي بتيجي بعد ما بتمر بموقف معين، أو مشكلة حصلت سببتلك إحساس معين مش عارف تعديه.
المشاعر دي بقى أنت لو معرفتش تعالجها أول بأول، هتكبر بالوقت وهتاخد وقت أطول على ما تتحل، فالأحسن أنك تعالج المشاعر دي أول بأول علشان تتخلص من أي أفكار سلبية ممكن تنتج منها.
إيه هو تأثير الأفكار السلبية في الحياة؟
الأفكار السلبية لها تأثير كبير على الحياة حتى لو أنت مش واخد بالك من ده، لأنها بتسبب لك أذى في مختلف جوانب حياتك، ومن تأثيراتها:
هتخليك واقف في مكانك مش عارف تاخد أي خطوة في حياتك.
هتحسسك إنك عاجز وفاقد الشغف باستمرار تجاه أي فعل في حياتك.
ترفع مستوى القلق والمخاوف جواك، وده هيزود لك المشاكل والحوارات.
هتأثر على علاقتك باللي حواليك و هتخليك قافل على نفسك، وبالتالي هتصّعب عليك فتح أي علاقة جديدة.
تؤثر على الصحة العقلية، لأن مجرد ما الأفكار السلبية تتملك بعقلك، هتأثر على مزاجك وطاقتك في التفكير وهتبدأ تشوف كل حاجة سلبية، لدرجة إنه ممكن يكبر ويبقى وسواس.
تؤثر على الصحة الجسدية كمان وهتحسسك في معظم الأوقات بالتعب، والإرهاق، والخمول، وإنك مش قادر تعمل حاجة مهما كانت بسيطة.
أهمية التخلص من الأفكار السلبية
التخلص من الأفكار السلبية دي أول خطوات لعيش حياة صحية، ولكن ليه؟ هنعرف مع بعض دلوقتي:
راحة العقل وإعطائه الفرصة لتغيير التفكير السلبي، بمعنى أوضح هتخلى عقلك يتنفس بدل ماهو شغال على مدار اليوم.
تحسين صورتك قدام نفسك وتحسين ثقتك في نفسك، وبالتالي هتتحسن صورتك قدام الناس و هيشوفوك قد الثقة الكافية للتعامل، وخليك فاكر، إن أسلوب الناس وطريقتهم معاك في التعامل، أنت اللى بتحدده من خلال نظرتك لنفسك.
تحسين علاقاتك الشخصية مع نفسك و المحيطين بيك، والشعور بالراحة والثقة في التعامل معاهم.
كيفية التخلص من الأفكار السلبية بسهولة؟
التخلص من الأفكار السلبية دي حاجة كويسة جدا وفي صالحك وليها اكتر من طريقة:
لازم تعرف نفسك وتفهم الشعور اللي جواك وتحلله وتفهم "أنت بتحس بده ليه، إيه السبب".
تغيير التفكير وقراءة كتب عن الأفكار الإيجابية أو قول لنفسك عبارات إيجابية باستمرار، على الأقل منفضلش مستسلمين للأفكار السلبية.
حط أهداف لنفسك مش لازم تكون كبيرة، ممكن تكون أهداف صغيرة علشان تحس إنك شغال على نفسك وبالتالي هتزيد ثقتك جواك.
لو حاسس الموضوع صعب أطلب المساعدة من أهلك، أصحابك، متخصص نفسي.
وهنساعدك في جرعة شفاء انك تتخلص من الافكار السلبية من جذورها هتتخلص من أي شعور يضايقك وازاي تحسن جودة حياتك.
الورشة مهمة جدا لأي شخص عنده وسواس دائم بأنه مرفوض من اللي حواليه، ولكل شخص لازم ياخد ثقة في الناس ويتغلب على الوسواس ده وكمان التخلص من الأفكار السلبية هو علاجه الأول.
لأن لو معملش ده هيفضل جواه الخوف من الرفض يمنعه يعمل اللي هو عايزه عشان خايف، ولو فى حد معجب بيك أوي بس خوفك من الرفض بيمنعك تقرب منه وتشاركه مشاعرك ده هيأثر على حياتك بطرق غير مباشرة وبيخلي الرفض يحصل فعلا!
الورشة هتساعدك تتخلص من كل ده، وتقدر سجل دلوقتي في الورشة.
اسئلة شائعة:
ازاي أطرد الأفكار السلبية من عقلي؟
علشان تطرد الافكار السلبية اعمل التالي:
ابعد عن الناس السلبيين والمحبطين في حياتك.
خليك لطيف مع نفسك.
قول لنفسك عبارات إيجابية وتحفيزية.
ثق في الله وإن القادم خير.
اسمع موسيقى هادئة.
جدد طاقتك اخرج، اجري، كل أكلة بتحبها.
ليه أفكاري سلبية؟
الأشخاص اللي أفكارهم سلبية بيكون بسبب الضغوط اليومية وإنهم محاطين بأشخاص سلبيين وبيئة محبطة، على عكس الأشخاص الإيجابيين والأفكار الإيجابية اللي بتجدد طاقتنا وبتخلينا نركز على الإيجابي في الحياة والعلاقات وحتى في نفسنا.
