علامات التعلق العاطفي

مفيش حد يقدر ينكر دور العلاقات العاطفية أو التعلق العاطفي في الحياة لأنها ممكن تكون السبب في السعادة أو الحزن جوانا، عشان كده مهم تعرف علامات التعلق العاطفي وهل أنت بتمر بيها في حياتك بشكل متوازن ولا مسببة لك أذى نفسي.

ولو أنت حابب تعرف علامات التعلق العاطفي وأسبابه وإزاي تتخلص منه خطوة بخطوة، خليك معايا في المقال ده وهتعرف كل التفاصيل دي.

يعني ايه التعلق العاطفي؟

أحنا لما بنحب حد بنبقى شايفينه أحسن حد في الدنيا وعايزين نقضي معه كل الوقت ومنبعدش عنه، بس لو موضوع التعلق ده زاد بيبقى مشكلة للطرفين، والتعلق العاطفي بيحصل بسبب اعتماد شخص على التاني في كل حاجة في حياته. 

كل حاجة بياخد رأيه فيها اللى هو من غير الشخص ده يتوه وميعرفش يتصرف ولا يعمل حاجة كأنه محور الكون، وحاليا علامات التعلق العاطفي بيصنف كنوع من الإدمان وده بسبب خطورته وأضراره على الطرف التاني.

علامات التعلق العاطفي

في شوية علامات التعلق العاطفي لو ظهرت عليك أعرف إن عندك تعلق عاطفي، وده يخليك تاخد بالك عشان تعرف تكمل في العلاقة بشكل صحي، لكن إيه بقى العلامات دي عشان تاخد بقالك وتعالجها لو عندك واحدة أو أكثر من العلامات دي

• الهوس بالطرف التاني: من المعروف أن الحاجة اللى بتزيد عن الحد بتاعها بتنقلب ضدها، فحبك واهتمامك لو زاد عن الطبيعي هيخليك شخص مهووس به وعمال تراقبه في صمت وتفتح الأكونت بتاعه وتشوف هو نشر إيه؟ طب مين كتب له كومنت؟ هو علق لمين؟ وكمية انشغال بالطرف التاني لدرجة تخليك في بعض الأحيان تنسى نفسك.

• سيطرتك على شريك حياتك: ممكن عشان تضمن وجود حبيبك جنبك أنك تفرض سيطرتك عليه، وده بيكون بسبب غيرتك الشديدة وأنك عايز الشخص ده بس لك مش عايز حد تاني يشاركك فيه.

• مودك مرتبط بيه: يعني لو الشخص ده كلمك و قضيتوا وقت لطيف مع بعض هتحس أنك أسعد واحد في الكوكب، والعكس يعني لو حصل خلاف مع الشخص ده وأنت بتكلمه فطبيعي مودك هيبقى مش أحسن حاجة لإنك هتحس إن ملكش مزاج تعمل حاجة.

• القلق الشديد في العلاقة: على الرغم من كل الحب اللي في العلاقة دي وأنك عمال تديها من وقتك ومجهودك إلا أنك مش حاسس بالأمان وحاسس بالقلق معظم الوقت أن الشخص ده يمشي ويسيبك وأنك تبقي لوحدك.

اقرأ ايضًا: كونى أنثى ناعمة و حقيقية و قوية لنفسك و لعلاقتك مع شريك حياتك

إيه الاسباب اللى توصلك للتعلق العاطفي؟

التعلق العاطفي مش حاجة وليدة اللحظة يعني مش هعرف شخص النهاردة هحبه واتعلق بيه مفيش حاجة أسمها كده بس في أسباب بتوصل لكده، إيه هي بقى الأسباب اللي توصل للتعلق العاطفي، ده اللي هنشوف مع بعض في النقط اللي جاية:

1. ممكن يكون التربية السبب في كده، مثلا يحصل انفصال في الأسرة فالأم أو الأب يمشوا ويسيبوا ولادهم، وده على أساسه هيكون عقدة خوف من أن الطرف ده هيمشي ويسيبني.

2. ممكن يكون سبب التعلق العاطفي أن الشخص دخل في أكتر من علاقة ومنجحتش فيبدأ يلوم نفسه وأنه شخص محدش هيكمل معه، وعشان كده يحاول يعبر للشخص ده عن حبه بأنه متعلق به وميعرفش يعيش من غيره.

3. مفيش اهتمام من اللي حواليه ومحدش بيهتم برأيه عشان كده بيهتم بشريكه بشكل كبير في محاولة منه أنه يهتم به.

إزاي تتخلص من علامات التعلق العاطفي ؟

بعد ما عرفت إيه هو التعلق العاطفي وأسبابه أكيد يهمك دلوقتي تعرف إزاي تحاول تتخلص من التعلق العاطفي، فخلينا نمشي مع بعض خطوة بخطوة عشان تقدر تتخلص من التعلق العاطفي:

1. قدر قيمة نفسك وحبها وخليك فاكر فاقد الشئ لا يعطيه.

2. بلاش تعيش دور الضحية وبطل تدور على أعذار وتبريرات للشخص اللي مش مهتم بك.

3. احترم حدودك الشخصية ومتسمحش لحد يعديها معاك مهما كان مقدار حبك للشخص ده.

4. اتعلم إزاي تعرف نفسك وتلبي احتياجاتك ولو أنت متعرفش إزاي تابع موقعنا جرعة نور بيوفر لك مجموعة من الفيديوهات والدورات اللي بتساعدك تعرف نفسك وتكون شخص عنده ذكاء عاطفي.

5. اكسر الملل والروتين الخاص بك زى ممارسة لعبة بتحبها، أو هواية تبقى مبسوط وأنت بتعملها.

6. ركز على شغلك واتعلم مهارات جديدة تضيفها لشغلك أو تساعدك أنك تنفذها بشكل أسهل.

7. متترددش أنك تطلب مساعدة من المتخصصين لو حسيت بده، أو ادخل دورات وورش بتساعدك في تحديد احتياجاتك العاطفية وإزاي تتعامل معها زي دورة جرع حب من موقعنا.

دورات لعلاج التعلق العاطفي

في دورة جرعة حب لغة الحب السادسة هتساعد نفسك على الشفاء من التعلق العاطفي مع شريك حياتك ببساطة وذكاء، كمان هتقدر تحقق السعادة اللي نفسك فيها بعلاقتك؛ لأن الكورس مش بس بيساعدك على علاج التعلق العاطفي فقط لكن بيساعدك في فهم ازاي تكون علاقة ناجحة، وكمان ممكن تحضر دورة جرعة شفاء واللي فيها مضمون التعلق والشفاء الكامل منه من غير أي أثار داخلية.

أسئلة شائعة

ايه أسباب التعلق بشخص؟

 في بعض الأحيان، الواحد بيتعلق بحد لأنه بيحس بتجذّب لعقله أو روحه، أو عندك صحبة معاه لها معنى، وتقدر بكلامه وأفكاره ومشاعره بخصوص حاجات كتيرة في حياتك اليومية.

هل هو حب ام تعلق؟

الحب بيخلّي الناس يبقوا أحسن نسخة من نفسهم، أحسن من اللي كانوا عليه لوحدهم، بس في حالة التعلّق، الهوس  بالتحكم وعدم القدرة على حل المشاكل بيصعب ده بين الناس، وده بيسبب مشاكل كتير وبيبعدهم عن بعض بالتدريج.