كيفية تحقيق الاكتفاء الذاتي
أفهم مشاعرك بتقول ايه: في الزحمة بتاعت كل واحد فينا بيبقى صعب عليه أنه يقعد يحلل مشاعره وهو حس بكده ليه، عشان كده مهم من وقت للتاني ضروري تسمع لمشاعرك وتفهم اللي حصل ده كان سبب إيه، وإزاي لما يحصل مرة تانية تعرف تتعامل معاها ازاى.
أنك تتعود على التخطي: يبقى عندك نوع من المرونة في الحياة والتعامل ودي من أكتر الحاجات اللى هتساعدك إنك تتعامل بشكل سليم مع أي حاجة تقابلها في حياتك، ولازم تفهم إن لازم تتخطى أي حاجة في حياتك لأنها مش بتقف على حد.
مكتفي بنفسك: اللي هو أنت مصدر كل حاجة في حياتك حب، سعادة، أي حاجة لنفسك، اللي هو مش مستني حد عشان تعيش معه قصة حب أو حد يخرج معاك عشان تحس أنك مبسوط وفرحان.
ممارسة هواياتك الشخصية: أقعد كده فكر في الحاجات اللي بتحب تعملها وبتبقى مبسوط وأنت بتعملها، ده هيوفرلك وقت ممتع تعيش به مع نفسك.
ليه مهم أنك تبقي شخص عنده اكتفاء ذاتي؟
من الحاجات اللي تخليك تبان شخص مسؤول وعنده وعي باحتياجاته هو أنه يبقى شخص عنده الطبيعي إننا بنتولد معتمدين على الأب والأم في كافة احتياجاتنا للأكل والشرب والاحتواء والحب وحاجات تانية كتير، وبنكبر وبنفضل محتاجين لحد في حياتنا عشان يفهمنا ويتشارك معانا الحاجات اللى بنحبها سواء كان صاحب أو أخ أو حبيب، المهم أن نلاقى اللي يشاركنا أفكارنا ويلبي احتياجاتنا، لكن في ظل الزحمة اللى أحنا عايشين فيها وكل واحد مشغول بنفسه، فبيكون قدامنا حل من اتنين:
يا نعيش في دور الضحية وأن مفيش حد فاهمنا.
يا نعود نفسنا على حاجة كده وهي أننا نمارس كل الحاجات اللي بنحبها لوحدنا ونكون أكتر حد دعم لنفسنا و مبنستناش حاجة من حد.
فلو أنت كده ومش مستنى حاجة من حد وعايش مع نفسك ومبسوط فأنت كده في حالة أسمها الاكتفاء الذاتي، ولو أنت لسه عايش في دور الضحية فكمل معايا المقالة دي عشان هتغير وجهة نظرك للدور اللى أنت عايش فيه، وهنعرف سوا كيفية تحقيق الاكتفاء الذاتي بسهولة؟
يعني ايه الاكتفاء الذاتي ؟
الاكتفاء الذاتي هو حالة بتوصلها بعد شوية نضج وفهم أنك مسؤول عن نفسك مش لسه البيبي محتاج ماما تهتم بيه، وفاهم أن اللي حواليك عندهم مسؤوليات ومش مطالبين أنهم يلبوا رغباتك واحتياجاتك.
في الحالة دي أنت بتدي لنفسك وقت أكبر وبتعمل معاها معادلة كده بين علاقتك بين الناس وعلاقتك بين نفسك، اللي هو أنت بتحب الناس اللي حواليك وبتحترهم بس مش معتمد عليهم في تلبية احتياجاتك.
هل عندك الاكتفاء الذاتي أم لا؟
تعرف ازاي لو كنت من الناس اللي عندها حالة من الاكتفاء الذاتي ولا لا، عشان تعرف ده تابع معايا و أنت تعرف إذا كان عندك ولا محتاج تتعلمه وتضيفه لحياتك:
لو أنت مثلاً بتتأثر من إن شخص بتحبه متصلش أو نسى يكلمك والموضوع ده بيفرق معاك و بيأثر عليك بشكل كبير ومودك يتشقلب عشان الشخص ده وممكن تتعصب وتضايق بعض الشيء فأنت بكده محتاج تتعلم الاكتفاء الذاتي، ولكن لو مش بتفرق معاك فأنت بالفعل عندك اكتفاء ذاتي.
كيفية تحقيق الاكتفاء الذاتي؟
خلينا متفقين ان احنا بطبعنا اجتماعين بنحب نتعامل ونتواصل مع اللى حوالينا بشكل كبير وعلشان كده بيكون من الصعب علينا شوية تحقق الاكتفاء الذاتي، بس في شوية خطوات لو نفذتها هيبقى الموضوع اسهل، خلينا نشوفهم دلوقتي:
اكتفاء ذاتي، عشان الشخص المكتفي بنفسه دايمًا عنده تقدير لنفسه وبيعرف يرسم حدوده اللي مش مسموح لحد يعديها معه وبكده بيكون محل ثقة وتقدير من اللي حواليه، والاكتفاء الذاتي مش بس مهم على الجانب الشخصي بل مهم على كل الجوانب العملية والاجتماعية وعلاقتك مع شريك حياتك.
كما لأن الاكتفاء الذاتي له أهمية كبيرة في الشغل والعلاقات الاجتماعية والحب وهوضحلك ده دلوقتي:
تقدر تبين مهاراتك وتعرف تدير شغلك بكل كفاءة وتقدر تشيل المسؤولية وبالتالي هتكون أكتر أحقية بالترقية من غيرك فالشغل.
كمان الشخص اللي عنده اكتفاء ذاتي بيتمتع بثقة عالية بنفسه وبالتالي هيبقي حد كاريزما في مكان شغله.
كونك شخص بيتمتع بالاكتفاء الذاتي هتخلي كل اللي حواليك يحبوك ويقدروك.
في علاقتك العاطفية مش هتعتمد على الطرف التاني علشان تكون سعيد، بالعكس هتقدر تسعد نفسك بنفسك.
تقدر تكون صداقات جديدة من غير صعوبة، لأنك ببساطة فاهم أزاي تتعامل مع نفسك ومع الآخرين.
اقرأ ايضًا: خمس أفعال هتزود إحساسك بأنوثتك
ولو أنت مش عارف تتعامل مع نفسك ومحتاج تعرف أزاي تفهم نفسك وتكتفي بيها فمترددش أنك تتابع موقع جرعة نور باستمرار اللي بيوفرلك كل الفيديوهات اللى تقدر تنمي الجزئية دي عندك، كمان بيوفرلك دورة جرعة حب اللي أكيد هتفيدك أنك تعرف نفسك بشكل كبير وتوصل للاكتفاء الذاتي.
دورة جرعة حب - لغة الحب السادسة
في دورة جرعة حب لغة الحب السادسة هتلاقى حاجتك العاطفية وهتقدر تفك نفسك من أسر الارتباط بالأشخاص الخطأ أو التعلق بالعلاقات عن طريق تحديد حاجاتك العاطفية بالضبط وإزاي تملاها بذكاء وبساطة وتحقيق السعادة في العلاقات، وده هيساعدك في التحرر من سجن العلاقات.
كمان هتقدر تحدد احتياجات شريكك العاطفية وتلبيتها بذكاء وخلال الدورة، وهتتعرف على مراحل الحب وتفهم ازاي تبني علاقة متكاملة وتفرق بين الحب والاحتياج وتفهم الحقيقة المرتبطة بالحب الغير مشروط.
أسئلة شائعة
ازاي اقدر نفسي و اكتفي بذاتي؟
حب ذاتك وتقبلها وأهتم بيها؛ لأن تقبلك لنفسك مهم جداً علشان تقبل الآخرين ليك، وتحس بمشاعرهم و بمحبتهم واهتمامهم، وخلي لنفسك هدفاً و طموح بتسعى لتحقيقه.
