ذكريات الطفولة المؤلمة
" أنا مهما كبرت صغير" حبيت ابدأ مقالنا مع بعض بجملة الفنان عمرو دياب؛ لأنها حقيقي من أكتر الجمل اللى مرتبطة بموضوعنا وهو ذكريات الطفولة المؤلمة اللي كتير مننا مر بيها، كلنا مرينا بفترة طفولة مختلفة ما بين حلو وحش، ومعظمنا بيفتكر الفترة دي، مش دي المشكلة، المشكلة في ذكريات الطفولة المؤلمة اللي بتعكر الصفو، وبتكون عاملة زي الشبح اللي سرق فرحة الطفولة، كمان بيكون حاجز لتحقيق النجاح وعمل علاقات ناجحة وصحية.
لو أنت عايز تعرف أكتر عن ذكريات الطفولة وهل أنت لسه محتفظ بها ولا لا؟ كمل معانا المقالة من جرعة نور وأعرف إزاي تتخلص منها.
ما هي ذكريات الطفولة المؤلمة؟
ذكريات الطفولة تعتبر جزء لا يتجزأ من حياة أي إنسان، والذكريات دي ممكن تكون مليانة بالفرح والسعادة، بس أوقات تانية بتكون مؤلمة ومحزنة بطرق مختلفة، والمحزن في الموضوع أنك لما بتفتكر ذكريات طفولتك المؤلمة، بترجعلك مشاعر الحزن والألم اللي حسيت به في الوقت ده.
وللعديد من الأشخاص، بتكون ذكريات الطفولة المؤلمة نتيجة تجارب سلبية مروا بها وهما صغيرين، والذكريات تؤثر في تكوين شخصيتهم ونموهم النفسي في الحياة، ومنها:
- الإهمال العاطفي: لما الطفل يتحرم من الرعاية والاهتمام الكافي من أهله، ده بيسبب له نوع من الاحتياج العاطفي اللى بيكبر معاه بمرور الوقت.
- التنمر والتعرض للعنف: تعرض الطفل للتنمر أو العنف من أصحابه أو أهله، دا بيسبب له آثار نفسية مؤلمة، وبتكون عنده مشكلة بتخليه يكون واحد من اتنين: شخص جبان أو شخص متنمر.
- التجارب العائلية الصعبة: ومنها: الانفصال الأسري، الطلاق، وفاة أحد الوالدين، التحرش، والضرب واللى ممكن تؤثر على الطفل بشكل عاطفي ونفسي.
- الإصابة بالأمراض النفسية أو الجسدية: منها: الاكتئاب، القلق، الإدمان، أو الإصابة بالأمراض المزمنة اللي بتصيب أحد الوالدين وبالتالي بتأثر بالسلب تؤثر على جودة حياة الطفل.
دي بعض الأمثلة على ذكريات الطفولة المؤلمة، وممكن يكون هناك أسباب أكتر من كده تؤثر على تجربة الطفولة.
علامات تدل على وجود ذكريات طفولة سلبية في عقل الشخص
في مجموعة علامات بتدل على وجود ذكريات طفولة سلبية في عقل الشخص، ومن العلامات دي:
- القلق والتوتر الدائم: إذا كان الشخص يعاني من مشاعر متكررة من القلق والتوتر من غير سبب، ممكن يكون ده بسبب تجارب سلبية مر بها في طفولته.
- الاكتئاب الشديد: إذا كان الشخص بيعاني من حالات اكتئاب متكررة أو شديدة، فممكن تكون ذكريات الطفولة السلبية هي السبب في كده.
- الثقة الضعيفة بالنفس: إذا كان الشخص بيعاني من قلة الثقة بنفسه أو يحس إنه مش له أي قيمة، فممكن يكون مر بتجربة تنمر في طفولته.
- العلاقات العاطفية الصعبة: إذا كان الشخص بيواجه صعوبة في بناء والحفاظ على العلاقات العاطفية الصحية، فقد تكون ذلك نتيجة لتجارب سلبية في الطفولة تؤثر على قدرته على التواصل والتعبير عن العواطف.
- التعرض للذكريات المؤلمة: إذا كان الشخص بيعاني من تكرار الذكريات المؤلمة من الطفولة زي: الكوابيس الليلية أو الفلاش باك، ممكن ده يكون دليل على وجود تجارب سلبية في الماضي.
كيف تتغلب على تجارب وذكريات الطفولة المؤلمة؟
فهم ومعالجة ذكريات الطفولة المؤلمة بيكون عبارة عن تحدي، ودي مجموعة خطوات هتساعدك في التغلب عليها:
اعترف بالألم: اقبل مشاعرك واعرف إن من الطبيعي يكون عندك مشاعر سلبية بسبب تلك التجارب، ومتحاولش تتجاهل أو تكتم مشاعرك.
ابحث عن دعم: ابحث على أشخاص يدعموك ويفهموك، سواء كانوا من أفراد العائلة أو الأصدقاء، ده هيساعدك تلاقي الدعم العاطفي والقوة اللي أنت محتاجها.
العناية بالذات: اهتم بنفسك، سواء عن طريق ممارسة رياضة أو تأمل أو أنك تقضي وقت مع الناس اللي بتحبها وبتسعدك.
التفكير بإيجابية: حول أفكارك السلبية اللي بترتبط بتجارب الطفولة المؤلمة إلى أفكار إيجابية تساعدك أنك تتعافى من التجارب والذكريات المؤلمة.
4 خطوات تجعلك تتخلص من ذكريات الماضي السيئة
تجاوز ذكريات الطفولة السيئة والماضي السيئ بياخد وقت وجهد، ودول 4 خطوات هيساعدوك على التخلص منهم:
قبول ومعالجة المشاعر: اعترف لنفسك بأنك تحس بالألم أو الغضب أو الحزن بسبب تلك الذكريات، واسمح لنفسك بالشعور بتلك المشاعر، وبعد كده شوف ايه الطرق المفيدة لعلاج المشاعر والذكريات السلبية.
إعادة التأهيل الذهني: حاول تغيير أفكارك السلبية إلى أفكار إيجابية، من خلال تحليلك لذكرياتك المؤلمة واعرف إزاي تتغلب عليها وتستبدلها بتصورات إيجابية.
التركيز على الحاضر: من السهل تحبس نفسك في ذكريات الماضيي، وتمنع نفسك من العيش في الوقت الحالي، عشان كده من المهم إنك تركز كل اهتمامك على الحاضر وتستمتع باللحظة الحالية.
الاعتناء بالذات: امنح نفسك العناية اللازمة والحب والمساندة، اهتم بصحتك العقلية والجسدية والعاطفية عن طريق ممارسة الرياضة وتناول وجبات صحية والقيام بأنشطة استرخاء زي: اليوجا أو التأمل.
اكتشف أسرار الشفاء العميقة مع دورة "جرعة شفاء: تقنيات P.E.A.T" على موقعنا. انضم إلينا الآن لاستكشاف أساليب مبتكرة وفعّالة لتحقيق السلام الداخلي والشفاء الروحي و التخلص من الذكريات المؤلمة وتحرير المشاعر السلبية واكتساب وعي إيجابي جديد احصل على الأدوات اللازمة لتحويل حياتك وتحقيق التوازن والسعادة. انطلق في رحلة تحول وتطوير شخصي معنا اليوم.
