الخوف من الزواج ونصائح للتغلب عليه
الخوف من الزواج
خايفة أنك تتجوزى و يتغير للأسوء و علاقتكم تفشل.
خايفة تتجوزى و يخونك مع واحدة تانية.
خايفة تتجوزى و تطلقى لأن نسبة الطلاق دلوقتي عالية.
خايفة تتجوزى و يكبت حريتك و يقتل طموحك.
خايفة تتجوزى و يتحكم فيكى و فى حياتك.
خايفة تتجوزى و تبقى جوازتك زى أى جوازة رتيبة مملة مفهاش حياة.
فوبيا الجواز أسبابها وعوامل تأثيرها
الموضوع ده بيشبه حالات كتير من الفوبيا، لأنه بيحصل نتيجة لتداخل مجموعة من العوامل الوراثية والبيئية. وعندنا ناس بيعتقدوا إن القلق المستمر من الماديات والاجتماعيات ممكن تكون ليه دور في اتطور فوبيا الجواز وبذات ان كل ده بيكون جديد علينا
وفي حاجات تانية بتزيد من احتمالية إن الواحد يعاني من فوبيا الزواج، زي:
١. تجارب زواج سلبية
لما حد يمر بتجارب جواز فاشلة زي الخيانة والطلاق، يبقى في احتمالية أكبر إنه يكون عنده رهاب من الجواز. وكمان الناس اللي بتتربى في بيئة عائلية مليانة مشاكل، يمكن تكون أكتر عرضة لحاجة زي دي.
٢. مشاكل في العلاقات
المشاكل في الطريقة اللي الناس بيتعلقوا فيها ممكن تبان من السلوكيات والعلاقات العاطفية اللي الواحد بيكوّنها، وده بيحصل عادة في الطفولة. فلو الطفل نشأ في أسرة مش محبة ومبتشبعش احتياجاته العاطفية، ده بيزيد من فرصة إصابته بفوبيا الجواز. لأن الناس اللي عندهم مشاكل في العلاقات بيصعب عليهم اتكوين علاقات ويمكن يرفضوا فكرة الجواز.
٣. الوراثة
عندنا اعتقاد إن الوراثة ليها دور في فوبيا الزواج وحالات القلق، بس السلوكيات اللي الواحد يتعلمها من أهله ممكن تبان ليها دور في زيادة فرصة الإصابة بحالات زي دي.
أفتكرى الآية دى
(الشيطان يعدكم الفقر ويأمركم بالفحشاء والله يعدكم مغفرة منه وفضلا) صدق الله العظيم
دائماً الشيطان موجود عشان يزرع فى عقلنا عكس اللى بيقوله ربنا عشان نمشى على خطواته هو.
أفتكرى أن ربنا قال على الجواز
(ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة).
يعنى ربنا مقلش كبت حرية و مقلش خيانة و مقلش تحكم.
طيب ما أنا ممكن أتجوز و بعد كدة يحصلى زى ما حصل لبقية الناس 
لحظتها أفتكرى أن ربنا وعدك بالفضل لأنك لو صدقتى كلامه من قلبك عمره ما هيخلف وعده معاكى.
حطي كلام ربنا جوا قلبك دائماً و صدقيه لأنك لو صدقتى كلام الشيطان
و بعدتى عن كلام ربنا يبقى أنتى أقريتى من جواكى أن كلام ربنا غلط.
و بدل من جواكى شايفة كلام ربنا غلط يبقى أزاى هينفذ لك وعد أنتى مكدبة بى أصلاً؟
صدقى كلام ربنا و خليكى واثقة دائماً أن جوازتك هتكون مختلفة و ناجحة و دة بفضل الله.
أعملى اللى عليكى أقرى و أتعلمى أزاى تكونى زوجة صالحة و تيقنى
أن ربنا هيبعتلك اللى يحقق معاكى النية دى و سيبى التدابير دى بتاعت الله.
طيب لو فشلت أنا خايفة.
لحظتها أفتكرى الآيه دى :
(قد من الله علينا، إنه من يتق ويصبر فإن الله لا يضيع أجر المحسنين)
يعنى حتى أسوء الأمور لو فشلتى بعد ما عملتى اللى عليكى بسبب أن شريك حياتك
هو اللى أساء فى العلاقة يبقى التقوى و الصبر و الأجر على الله و هو لن يضيع أجرك أبداً.
الله وعده حق صدقيه و ثقى فى الحى الذى لا يموت.
الاسئلة الشائعة
#جرعة_من_جرعات_نور
#للأنوثة_وعلاج_العلاقات
