٤ جوانب مهمين لنجاح أي علاقة عاطفية
العلاقة عشان تكون سليمة و ناجحة و متوازنة لازم يكون داخل فيها 4 جوانب مهمين جدااااااااااا نركز و أحنا بنقرأ عشان نقيم علاقتنا لأن الكلام دة ممكن يفرق حقيقى لو أدركناه :
أحنا كإنسان عنده 4 جوانب : جانب العقل و جانب العاطفة و جانب الروح و جانب المادة.
جانب العقل :
مهم جداً من بداية أختيار الشخص المناسب أو الخروج من علاقة غير مناسبة و مهم لوضع الحدود و العمل على التوازن فى العلاقة.
أمتى نقرب و أمتى نبعد و أمتى نقول لا.
بأختصار مسؤول عن القرارات المهمة و التوازن فى العلاقة.
جانب العاطفة :
اللى بتعطى طعم مختلف للعلاقة و بتخلينا نشعر بالشخص الآخر و بأحتياجه و بمعرفة اللى بيحبه و اللى مش بيحبه و أزاى نشبع الأحتياج الخاص به.
جانب الروح :
هو ممكن مسمى غير دقيق بالمرة لأن الروح علمها عند الله فقط.
بس هنستخدمها بما شائع أستخدامه للكلمة بيعمل على تواصل عميق بين الشخصين و المسامحة و الترفع و السمو فى العلاقة.
جانب المادة :
بيشبع فيه الأطراف أحتياجات الآخر المادية الجسدية أو المالية أو خدمات كل طرف على حسب دوره.
فلما ندخل علاقة عشان جانب واحد فقط أو جانبين مع أهمال بقيت الجوانب العلاقة مع الوقت بتدمر.
يعنى شخص داخل علاقة فقط عشان فرفشة و أنبساط أو مصلحة فهنا أشباع جانب المادة فقط.
شخص داخل علاقة عشان حد يحسسه فقط أنه محبوب و يشبع أحتياجه العاطفى مع الوقت العلاقة هتدمر.
شخص داخل علاقة عشان الشخص بالورقة و القلم هو كويس لكن مش حسه و مش حاسس تواصل بينى و بينه مع الوقت العلاقة هتكون فاترة.
شخص داخل عشان حاسس بأتصال روحى عميق مع الآخر لكن و لا قادر يتعامل مع عاطفته و مش مناسب لفكرى مع الوقت لازم هيتم أكتشاف فى شئ خطاء.
شخص بيحب أوى و حاسس بكيمياء و فى علاقة بيتم أشباع أحتياجاته المادية بس الطرف الآخر بيهينه و بيقلل منه و هو مش بيحط حدود و مش بياخد قرارات هتدمر العلاقة.
فلو علاقة معتمدة على جانب واحد فقط و لم تطور لتشمل جميع الجوانب (لأن عادى ممكن تبدأ العلاقة بجانب و تطور لتشمل جميع الجوانب لاحقاً) هتكون غير متوازنة و هيجى وقت و هتدمر و لو كملت هتكون مجرد حلاوة روح.
فالعلاقة عقل و عاطفة و روح و مادة غير كدة عربية على الطريق ماشية على كوتش أو أتنين و هتعطل و مش هتكمل.
علاقتك ماشية بكام كوتش على الطريق ؟؟؟
#جرعة_من_جرعات_نور
#للأنوثة_وعلاج_العلاقات
