العقل الباطن والعقل الواعي
كتير مننا بيدور على مفهوم العقل الباطن والعقل الواعي وعلى الفرق بينهم لكن إيه هو من الأساس؟ متعرفش صح!
متقلقش دلوقتي هنعرف كل ده مع بعض، كمان هنعرف المصطلحات للعقل الباطن والواعي ووظيفة كل عقل فيهم في حياتنا، يلا بينا نعرف ده سوا.
الفرق بين العقل الباطن والعقل الواعي
لو اعتبرنا إن العقل الباطن جزء من عقلنا الأساسي، هنلاقيه بيلعب دور مهم في تشكيل تصرفاتنا وسلوكنا وحياتنا بشكل عام، لكن إيه الفرق بينه وبين العقل الواعي هنعرف ده دلوقتي!
العقل الباطن هو الجزء العقلي اللي بيشتغل من غير وعينا، وبيتحكم في تصرفاتنا وطريقة تفكيرنا من غير إدراك لده، وبيشكل تقريباً 95٪ من عقلنا الكلي، لكن العقل الواعي يشكل حوالي 5٪ فقط من عقلنا، وده يعني أن العقل الباطن هو المسؤول الأول عن نفسيتنا وعواطفنا وعاداتنا ومعتقداتنا.
ولكن في تفاصيل كتير هنعرفها لما نشرح دلوقتي كل عقل لوحده، يلا بينا:
ما هو العقل الواعي؟
العقل الواعي هو اللي بيفكر معاك في كل وقت في حياتك وتصرفاتك طول اليوم، وهو اللي بنستخدمه في حل مشكلاتنا وتحديد قراراتنا سواء اختيارية أو مصيرية، ويخلينا نحس باللي بيحصل حوالينا طول الوقت.
وظائف العقل الواعي
وظائف العقل الواعي كتير ومختلفة ودلوقتى هنوضحها بالتفصيل:
معالجة المعلومات: العقل الواعي يستوعب ويحلل المعلومات اللي بنستقبلها من البيئة اللي حوالينا، وبيستخدم المعلومات دي في تحديد القرارات.
التخطيط والتنظيم: العقل الواعي بيساعدنا في وضع هدفنا وتنظيم الوقت وتخطيط الأنشطة اليومية، وبيساعدنا في تحديد الأولويات وإدارة وقتنا بشكل ممتاز.
حل المشكلات: العقل الواعي بيساعد على التفكير السليم وحل المشكلات الصعبة وتحليل المواقف وإننا نوصل لحلول ناجحة.
التحكم في العواطف والانفعالات: للعقل الواعي بيخلينا نتحكم في عواطفنا السلبية وأننا نقضي عليها ونشجع العواطف الإيجابية، وعن طريقه وبنغير تفكيرنا من التفكير السلبي للتفكير الإيجابي، وده بينعكس بالإيجاب على حياتنا.
وباختصار، العقل الواعي هو جزء مهم من عقلنا لأنه بيساعدنا على تطوير قدراتنا وتحقيق نجاحاتنا في الحياة الشخصية والعملية.
علاقة العقل الواعي بالعقل الباطن
العقل الباطن والعقل الواعي في علاقة كبيرة بينهم، لأن حالة الوعي بتخلينا نتحكم في تفكيرنا وتصرفاتنا، وبالتالي بنقدم للعقل الباطن رسائل واضحة، وبمجرد أن العقل الباطن توصله الرسائل دي، هيبدأ في الاقتناع بيها وتطبيقها وتحويلها إلى أفكار وعادات واضحة.
العقل الواعي وتأثيره على العقل الباطن
بالرغم من إن العقل الباطن والعقل الواعي جزأين مهمين في تشكيل شخصيتنا وسلوكنا، إلا إن العقل الواعي هو الجزء الأهم من العقل لأنه بيتحكم في قراراتنا وأفكارنا، ولكن من ناحية تانية هنلاقي العقل الباطن هو جزء كبير وعميق لأنه بيتحكم في أفكارنا ومعتقداتنا الموجودة جوانا وده بيأثر على سلوكنا وتصرفاتنا من غير ما نحس يعني بطريقة غير مباشرة.
كيف يمكن استخدام العقل الواعي لتعزيز العقل الباطن؟
العقل الواعي لما بنستخدمه باستمرار هنلاقي ده بينعكس على عقلنا الباطن وبيزود تفكيرنا للأفضل وطريقة واقعية واضحة، لكن ده هيحصل إزاي! هنعرف في النقط الجاية يلا بينا:
التأكيد الإيجابي: إننا نستخدم العبارات والكلام الإيجابي واحنا بنتكلم مع نفسنا، يعني نقول مثلا: أنا قوية وأقدر على تحقيق هدفي، أنا أقدر جدا مفيش حاجة صعبة، أنا إسترونج…. وأي جمل بقى تحفيزية، الجمل دي مش بس بتحفزنا لا دي بتعزز الثقة جوة نفسنا وبتدي للعقل الباطن تغذية إننا مش ضعفاء وبتخلق جوانا روح إيجابية.
التخيل الإبداعي: إننا نتصور النتيجة اللي عاوزين نوصل ليها ونحققها، ويفضل لو التصور يكون حلو وإيجابي، لأن التوقع والتصور للنتائج بيجذب تحقيقها، بالتالي تخيل الخير علشان تجذب تحقيقه.
الاعتقاد والثقة العمياء: لازم تثق في نفسك إنك عندك القدرة والمهارة إنك تحقق أهدافك ولازم تقول ده لنفسك علشان تغذي عقلك الباطن بامتلاك القدرة لتحويل الأهداف فعلا لواقع 100%.
المحافظة على البيئة الإيجابية: حافظ ديما على وجود الأشخاص الإيجابيين في حياتك وعلى الأفكار الإيجابية اللي بتخدها من المكان اللي حواليك، لأن المكان بيأثر على العقل والأشخاص، فلو تحوّطتَ بأشخاص سلبين وكلام سلبي هتخسر، فعلى إيه اتحاوط بأشخاص إيجابيين واكسب.
العقل الباطن
العقل الباطن هو جزءٌ من العقل بيكون في الخلفية وبيتأثر من العقل الواعي، والعقل الباطن هو بردو اللي بيخلينا نتصرف من غير ما نحس و بيأثر على تصرفاتنا وسلوكنا بطرق كتير.
وهو جزء مهم في حياتنا بشكل يومي لأننا بنستخدمه تقريبًا طول اليوم وده بيأثر على نتايجنا وأهدافنا، علشان كده هنلاقي العقل الباطن مهم وهو اللي معاه مفتاح نجاحنا وتحقيق كيانا.
إدارة العقل الباطن
إدارة العقل الباطن سهلة لكن هتحتاج إننا نكون على دراية كبيرة بتجارب إيجابية وعبارات وتحفيزية باستمرار، لأن ده هينفي المعتقدات السلبية من العقل الباطن وبالتالي هنلاقي حياتنا بتتغير للأفضل ورؤيتنا ليها بتتغير للأفضل.
دورة جرعة شفاء - P.E.A.T Techniques Level 1
تدرب على أقوى وأعمق تقنيات للعلاج الشعوري تقنيات P.E.A.T لعلاج العلاقات والمخاوف والصدمات والذكريات المؤلمة.
حيث تستطيع بالتقنيات علاج (علاقتك بذاتك - بجسدك - الأهل - شريك الحياة - المال - العمل - الله) علاج (الاحتياجات العاطفية - التعلق - مخاوف الزواج - المشاكل الجنسية - الطفل الداخلي - العلاقات السامة - علاقة مع نرجسي - تؤام الشعلة بمنظور علم النفس)
ما استخدامات العقل الباطن؟
وظائف العقل الباطن كتير ومن بينهم:
العقل الباطن بيخزن المعلومات والتجارب التي بنمر بيها، وبالتالي بيساعدنا في الوصول للمعلومات بسهولة واستخدامها في تحديد قراراتنا.
العقل الباطن بيأثر على عاداتنا اليومية في حياتنا وبالتالي لو تفكيرنا إيجابي هنلاقي الدنيا بتتغير للأفضل.
العقل الباطن بيساعد على تحقيق الأهداف عن طريق التركيز والتخيل المستمر جوانا.
تفاعل العقل الباطن والعقل الواعي
العقل الباطن والعقل الواعي بيتفاعلوا مع بعض وبيعملوا ميكس رهيب في سلوكنا وتصرفتنا، ولو محتاجين نغير سلوك أو تصرف بنعمله يبقى لازم نعرف تفاعل العقلين مع بعض بيكون إزاي.
العقل الباطن بيميل ديما لقبول التفكير اللاواعي والمعتقدات الموجودة بدون تفكير، و هنلاقي العقل الواعي بيغذي العقل الباطن من التكرار المستمر للمعلومات، ومن الإشارات الواضحة والأفكار الإيجابية، بالتالي بيحصل تفاعل بين العقلين وكل ده بيساعد في برمجة العقل الباطن وإننا نوجهه لتحقيق الأهداف.
تقنيات تدريب العقل الباطن
في تقنيّات مختلفة بنستخدمها في تدريب العقل الباطن على الإيجابية، علشان نحقق هدفنا ونحسن عقلنا الباطن:
التأمل: إننا نتأمل ونفرغ نفسنا للعيش في حالة هدوء وسلام نفسي، ده بيجدد الطاقة جوانا.
التكرار الإيجابي: إننا نكرر العبارات الإيجابية والكلمات حتى نغذي العقل الباطن.
التأثير الذاتي: نقنع عقلنا الباطن إننا قادرين على تحقيق الأهداف والتغييرات المطلوبة وده هيأثر إيجابي علينا.
تصميم الصورة الذهنية: إننا نعمل صورة في خيالنا نحفز بيها نفسنا.
لما نستخدم التقنيات دي وغيرها، هنلاقي إن برمجة العقل الباطن بقت أسهل، وهنلاقي فيه تأثير إيجابي في حياتنا.
في النهاية، هنلاقي إن الفرق بين العقل الباطن والعقل الواعي بيساعدنا على تحقيق الأهداف وإننا نحسن حياتنا الشخصية، ومننساش إن التفاعل بين العقلين هو مفتاح فهم تصرفاتنا وتحقيق نجاحنا في أي مجال، ولو حابب تعرف أكتر عن العقل الباطن والواعي تابع موقعنا جرعة نور لأنه بيقدملك تفاصيل كتير حول العقل الباطن والواعي.
أسئلة شائعة:
ما وظائف العقل الباطن؟
تخزين واسترجاع البيانات، وتحديد السمات الحقيقية للشخصية، والتأكد من إنك تستجيب بنفس الطريقة التي تمت برمجة عقلك بها.
