هل أنتى او شريك حياتك "شخصية اعتمادية" ؟
- بتعطى فوق طاقتك في العلاقات ومع ذلك مفيش تقدير؟
- بتبحث دائماً عن شخص يقبلك وبتخاف أوى من شعور الرفض.
- بتحاول ترضى اللى حواليك و بتضحى بأحتياجاتك و نفسك فى مقابل
أنك تسعدهم و تشبع أحتياجهم؟
يبقى أنت فى الغالب بتعانى من ( الأعتمادية Codependency)
أية هى العلامات و الأعراض اللى بتدل على ( الأعتمادية Codependency) ورقة و قلم و نكتب ورانا عشان نقفش نفسنا أو نعرف لو شريك حياتنا أو شخص فى حياتنا بيعانى منها ? يلا بينا :
1- إرضاء الناس People Pleasing
بيحاولوا يرضوا اللى حواليهم على حساب نفسهم و مش بيقدروا يقولوا لا و دة بشكل غير واعى لأنهم فى أعماق أعماقهم محتاجين يشعروا أنهم ممقبولين و محبوبين فبيحاولوا يسعدوا المحيطين على حساب نفسهم.
فبينكروا أحتياجاتهم و أفكارهم و مشاعرهم من أجل إرضاء الآخر.
2- لا يضعوا الحدود Lack of Boundaries
عندهم مشكلة فى الحدود, مش بيقدروا يقولوا لا و بيشعروا أنهم مسؤولين عن الآخرين و عن مشاعرهم.
و كمان فى حالة تعرضهم للتلاعب أو الأستغلال أو الأبتزاز العاطفى مش بيضعوا حدود.
فبالتالى هما أسهل ناس بتدخل فى علاقات سامة ما بينها العلاقة مع النرجسيين.
و من الممكن يوصلوا يعملوا سلوكيات ضد مبادئهم من أجل فقط الحفاظ على الآخر.
3- عدم تقدير الذات Low self-esteem
الأعتمادى بيعانى من عدم تقدير الذات و لا يقدر ذاته و لا يشعر بقيمتها إلا لما الأشخاص المحيطين يشعروه بالتقدير و القبول.
و ده بيسبب أنه بيعمل مجهود كبير جداً فى العلاقات لأن هدفه يشعر بقيمته و دة بيشعر به من خلال الناس.
4- الشعور بالضغط و الأحباط و التوتر
لأن الأعتمادى فى الغالب بيعمل مجهود كبير و بيحاول يرضى الناس دائماً ده بيضغطه جداً.
و طبعاً هو بيضغط فى المقابل مش بيجد مجهود كبير بيتعمل من أجله و لا بيحصل على القبول اللى بيطمح له فبيشعر بالأحباط.
و لأنه عنده خوف ميكونش بقدر توقعات الناس دة بيوتره.
فبيعيش فى دائرة الضغط و الأحباط و التوتر.
5- التحكم فى الناس اللى بيحبها
فى الغالب الأعتمادى بيقدم كتير كنوع من أنواع التحكم و كأنها صفقة خفية.
أنا هقدم حب و هشبع أحتياجك فى المقابل أنت هتشعرنى بالقبول و التقدير و أهميتى عندك.
و كأنه بيتحكم فى الآخر بخيوط ناعمة و خفية.
6- مشكلة بالتواصل
الأعتمادى لا يعبر فى الغالب عن مشاعره و أفكاره الحقيقية و كمان فى الغالب بينكر أحتياجاته الحقيقية.
أية هى مسببات ( الأعتمادية Codependency)
1- التربية فى عائلة تفتفر للحب أو أحد الوالدين (أعتمادى Codependent)
2- الشعور بعدم الأمان و التجاهل فى التربية.
3- الشخص اللى بيأذيك فى التربية هو نفسه المفروض تحصل منه على الحب.
4- الحب المشروط من الوالدين و أن الطفل لازم يقدم مقابل حصوله على الحب.
5- التربية فى بيئة بتوصل أن أحتياجاتك غير مهمة و لكن المهم أشباع أحتياج الآخر.
6- التربية على أن الشخص بيكون أنانى فى حالة أهتم بذاته و بأحتياجاته.
كدة أتكلمنا عن علامات الأعتمادية و أسبابها.
دالوقتى هنتكلم عن حل و علاج مشكلة ( الأعتمادية Codependency)
فى طريقة عميقة بتعتمد على علاج الأسباب نفسها و بعمق من العقل اللاواعى و من أهم التقنيات الـ PEAT لعلاج الذكريات المؤلمة و المخاوف و العلاقات السامة.
و طريقة بنستخدم فيها الوعى و تغيير السلوك و الطريقة دى هتحتاج ورقة و قلم و أكتبى ورايا يا ست الكل ❤
1- تحمل مسؤولية مشاعرك و توقف عن تحمل مسؤولية الآخر.
أنت منقذ نفسك ثم من الممكن تساعد الآخر و تشبع أحتياجه.
2- ضع الحدود حتى لا يستغلك الآخرين و حتى لا تتحول يستخدمها الآخر.
3- عبر عن مشاعرك و أحتياجك حقك تاخد زى ما بتعطى.
4- أهتم بنفسك و حبها و أقبلها.
5- أسمع لنفسك و لأحتياجها و تواصل مع مشاعرك و أحترمها و تعامل معاها.
6- أعتمد على نفسك فى حبك لنفسك و تقبلها و لا تشترى حب الآخر بعطائك و لكن شاركه الحب.
7- الله هو مصدر كل شئ أعتمد عليه فى كل حاجة و أطلب منه الحب و القبول و الأكتفاء مع ذاتك قبل الآخر.
8- أدرك مش ضحية فى الحياة و لا منقذ للآخرين.
9- أوعى تيأس و أنت فى طريقك, لأن ممكن تقع و دة طبيعى لكن مش طبيعى أنك تستسلم لأستسلامك و وقوعك.
شاركوا معانا هل تعرف شخص يعانى من الأعتمادية ؟ أو شريك حياتك ؟ أو حتى أنت ؟
و أية اللى قررته بعد ما قريت المقال ؟
#للأنوثة_وعلاج_العلاقات
